ŞIRNEX - Dimayê qedexeyê tebervejîyayîşê kuçeyan Şirnex de bi hezaran keyeyî ameyî rijnayîş û TOKÎyê ke ameyî viraştiş hema nêameyî teslîmkerdiş. Selamet Kolubane dîyar kerde ke do no zimistan zî bê keye derbaz bikerê û va do keyeyî bêkeye se bikerê?

 

Şirnex de dimayê qedexeyê tebervejîyayîşê kuçeyan bi hezaran keyeyan zirar dî û dima ra taxê Yeşîlyurt, Îsmetpaşa, Gazîpaşa, Cumhurîyet, Dîcle, Yenî û Bahçelîevler hîmê 6 hezar û 731 awanîyê TOKÎ ameyî eştiş. Bi di serrî yo hema keyeyî teslîmê keyeyan nêameyê kerdene.

 

Welatîyê ke dimayê keyeyê înan ameyî rijnayîş, şertê zehmet de çadir ya zî dewan de bi ca bî û do zimistanêke bîn zî tebera derbaz bikerê.

 

Cinîya bi nameyê Selamet Kolubane va keyeyê aye Bahçelîevler ameyo rijnayîş û wina va: "Dimayê qedexeyî ma keyeyê xo nêdî. Dima ra rijnayî û kerdî  TOKÎ. Nika keyeyê qij viraştê û tena do keyeyêke bidê ma. No zî qîmê ma nêkeno. 5 domanê mi estê."

 

‘Bi desan kes tebera mendî'

 

Selamete da zanayîş ke bi di serrî yo keyeyêke di oda de bi kîra manenê û wina qedêna: "Keyeyêke ma yê qij tîya esto. Ma xeylê zehmetî ancenê. Keyeyê ma nêrijnayne ma nêkewtêne na rewşe. Çend serrî yo ma bendeyê keyeyanê xo yê. Zimistanê tîya zaf zehmet o. Keyeyî do bêkeye se bikerê?"