HESEKÊ - Kongreya Star bi wesîleya 25ê Teşrîna verêne Roja Têkoşînî yê Şidetê Vera Cinîyan kombîyayîşanê xo dewam kena.

 

Kongreya Star Koyê Kezwanî yê girêdayeyê bajarê Til Temîrî yê Kantonê Hesekê de bi wesîleya 25ê Teşrîna verêne Roja Têkoşînî yê Şidetê Vera Cinîyan bi sloganê ‘Bêrêne ma pîya bi îradeya cinîya azade dagirkerî birijnî’ kombîyayîşan virazena. Kombîyayîş bi tewrbîyayîşê desan cinîyanê kurd û ereban dewam keno.

 

Kombîyayîş de Verfeka Komîteya Kultur û Hunerî ya Kantona Hesekê Efaf Hiskê, Endama Komîteya Edaletê Komelî Civakî ya Kantonê Hesekê Sildana Izo û Verfeka Komîteya Cinîyan ya Kantonê Hesekê Fatima Ibrahîme amade bîyî.

 

Kombîyayîş seba şervananê azadîye bi dekayêk rêzgirewtiş dest pêkerd û badê rêzgirewtişî Verfeka Komîteya Kultur û Hunerî ya Kantona Hesekê Efaf Hiskê û Fatma Ibrahîme qisey kerdî.

 

Qiseykerdişan de ame vatiş ke sîstemo ke îqtîdar de yo zîhnîyetê zayendperestî mîyanê komelî de vila keno û hewl dano pêroyê heq û qezencanê cinîyan çin bikero. Vera nê çîyan de ganî cinî bêrî perwerdekerdiş û peynîya koletî û şîdetî bîyarî.

 

Kombîyayîş bi pers û cewaban qedîya.