WAN - Endama HPGî Kesîre Bîlîcî ke Dêrsim de cuya xo vîndîkerdebî, 2 mengan ra dima Wan de ameye definkerdene.

 

Endama HPGî Kesîre Bîlîcî (Dîcle Gilîdage) ke 17ê Elûle de bombardûmanê hewayî yê Newala Rojî ya Dêrsimî de cuya xo vîndîkerdebî, merdimanê aye cenazaya ci 2 mengan ra dima Sazîya Tibê Edlî yê Malatya ( ATK) ra girewte û berde mehlaya Sêvekî ya qezaya Erdîşî ya Wanî.

 

Hêzanê dewleta tirkî bi wesayîtanê zirxinan  mehlaya Sêvekî  girewte binê ablûqa. Cenazeya  Kesîre Bîlîcî bicaardişê wecîbeyê ci yê dînîyî ra dima bi hawayêkê komelkîyî ameye definkerdene.