ŞIRNEX - Hêzê polîsan şîyî Mektebê Ataturkî yê taxa Turgut Ozalî û yew bi yew sinifan gêrayî. Ame îdiakerdiş ke polîsî wendekaran rê persê ‘Şima ma ra hes kenî ya nê? Kesê ke wazeno bibo polîs wa destê xo wedarno hewa?’ pers kerdî. Keyeyê wendekarê bi nameyê Ş.yî reaksîyon nîşan da nizdîbîyayîşê polîsan û vatî: “Do her hewte 5 wendekaran bibi emnîyet û biçarnî. Do wendekaran bimusnî xebetnayîşê çekan. Ganî heme keyeyî reaksîyon nîşan bidî.”

 

Serra 2016î de qezaya Hezex ya Şirnexî de îlankerdişê qedexeyê tebervejîyayîşê kuçeyan de pêrodayîşê giran virazîyabî û xeylê awanîyî pêrodayîşan de texrîb bîbî. Mektebê Ataturkî yê taxa Turgut Ozalî zî netîceyê pêrodayîşan de texrîb bîbî û dima ra newe ra amebî înşakerdiş. Hêzê polîsan şîyî mektebê û yew bi yew sinifan gêrayî. Ame îdiakerdiş ke polîsî wendekaran rê persê ‘Şima ma ra hes kenî ya nê? Kesê ke wazeno bibo polîs wa destê xo wedarno hewa?’ pers kerdî.

 

'Kesê ke wazeno bibo polîs wa destê xo berz bikero'

 

Keyeyê wendekarê bi nameyê Ş.yî reaksîyon nîşan da nizdîbîyayîşê polîsan û vatî: “Hedîse hewteyo verên virazîyayo. Domanê mi ameyî keye. Tena yew qal nêkerd, pêroyî domanan qala hedîse kerdî. polîsî yew bi yew sinifan gêrenî û wendekaran rê persan pers kenî. Polîsî nêewnîyayî emrê domanan û şîyî pêroyê sinifan û persê winasî persê ‘Şima ma ra hes kenî ya nê? Eke şima hes nêkenî sebebê ci çîyo? Kam wazeno bibo polîs? Kesê ke wazeno bibo polîs wa destê xo wedarno hewa?’ pers kerdî.”

 

'Her hewte 5 wendekaran do berê emnîyet'

 

Ş.yî dîyar kerd ke do her hewte 5 domanan bibî emnîyet û wina va: “Ma domananê xo ra vanê meşêne, la şîyayîş destê mudirê mektebî de yo. Mudir wexto ke domanan ra vajo şêrêne, doman mecbur manenî şêrî. Doman nêeşkenî vajî ma nînê. Wendekaran ra vatî ‘ Eke şima nêşêrî do şima mekteb de bimanî.’ Her cayê mekteb bi mobeseyan padîyayo û taxe de karê lêşin yenî kerdiş. domananê ma musnenî xebetnayîşê çekan. Ganî heme keyeyî kome bibî û mudir ra vajî ê nêwazenî domanê înan şêrî emnîyet.”