ŞIRNEX - Vejîya meydan ke Sîlopî de camêrdo bi nameyê N.O yo vera kêna xo îstîsmarê zayendî yê sîstematîk kerdo. Derheqê N.O yo ke ame tepiştiş û roja bîn de veradayîş û dewa ameya akerdiş.

 

Goreyê raporê ÎHDî yê aşma Hezîrane de eşkera kerdo Tirkîya sucê îstîsmarê vera domanan de dinya de rêza hîrên de ya. Rapor de vejîya meydan ke 10 serrê peyîn de îstîsmarê domanan 3 qat zêde bîyo.

 

Sîlopîyê Şirnexî de vejîya meydan ke camêrdo bi nameyê N.O yo 44 serre vera kêna xo H. ya 15 serrî îstîsmaro zayendî yê sîstematîk kerd. Dimayê ke dewa derheqê N.O de ame akerdene rojêke tepişnaye mend û dima ra serbest ame veradayîş.

 

'Şîdet îtîraf kerd'

 

Goreyê zanayîşê ke ameyê girewtiş N.O 10ê Gulane de polîs geyreno û vano 'Keyeyê mi, bi vatişê mi nêkenê, huzirê mi çin o'. Polîsê ke yenê keye wextê îfadeyan de netîceyê vatişê H. ya 15 serrî sucê şîdetî û îstîsmarî vejîyayo meydan. Nê ser N.O yeno tepiştiş û sucê xo înkar keno û H û dayîka aye gerre kerdî. Hetê serdozgerîya Komara ya Cizîrî ra sucê 'vera domane îstîsmaro zayendî û kes hurîyetê aye ra bêpar verdayî' cigêrayîş ame akerdene. N.O îfadeyê xo yê dozgerî de va 'Mi kulme da zincî aye ra gonî amî û aye şaş fam kerde'.

 

Dewaya îstîmlakî ame akerdene 

 

H. û dayîka aye N. zî îfade dabî dozgerîye û vatibî vatiş 'şaş ameyo famkerdiş' û îfadeyê xo vurnayî û dozgerîye zî qerarê ‘gumano pirr ê sucî ameyo kerdene' dewaya îstîmlakî akerdî.