Stêrvan Bêrîtan

 

MINBIC - Sereka Partîya Ameyoxî Fetûm Şeriqe derheqê hêrişê dewleta tirkî yê Rojawanê Kurdistanî ser o qisey kerde û va: “Tirkîye bi piştîya hêzê mîyanneteweyî hêrişê kurdan kena. Tirkîye vera terorî de nê vera qezencanê kurdan de şer kena û piştî dana çeteyan.”

 

Hêrişê dewleta tirkî yê ser Rojawanê Kurdistanî dewam kenî. Dewleta tirkî nê rojan de hêrişê Rojawanê Kurdistanî kena. Sereka Partîya Ameyoxî Fetûm Şeriqe derheqê hêrişê dewleta tirkî yê Rojawanê Kurdistanî ser o qisey kerde û daye zanayene ke ê ke hêz dana terorî Tirkîye ya. Fetûme va: “Erdogan destûr nêdano ke şarê Sûrîye bi kêfweşî bicuyo. Na rewşe piştî dana terorî. Terorê sey DAIŞ û OSO hêzê xo sîstemê dewleta tirkî ra herînenî.”

 

'Dewleta tirkî nêwazena teror biqedîya'

 

Fetûme qiseykerdişê xo de bale ante hêrişê dewleta tirkî yê Rojawanê Kurdistanî ser û va: “Şarê kurd tarîx ra nata vera terorî de xover dayo û seba merdimîye şer kerdo. Dewleta tirkî ya dagirker nêwazena teror biqedîya. Tena goreyê menfîetanê xo yê ke nijadperestî ser o  ameyî awankerdiş têgêrena û şarê kurdî û erjê merdimîye hedef gêna. Labelê Erdogan tena serê xo nê çîyan nêkeno. Bi ortaxîya Rûsya, Amerîka û sewbîna hêzan keno. Hêzê mîyanneteweyî zî seba menfîetanê xo Tirkîye xebetnenî. Tirkîye nika mîyanê problemêk pîl de ya û bena sebebê birînê xorî.”

 

'Muxatabgirewtişê kurdan şert o'

 

Fatûme qiseykerdişê xo yê peyênan de qala çareserkerdişê probleman kerde û wina qedênaye: “Dewleta tirkî ya dagirker qet nêwazena kurdî bibî wayîrê statu. Cok ra timî piştî dana terorî ke şarê kurdî çin bikerî. Tirkîye pêroyê qezencanê kurdan hedef gêna. Tirkîye vera terorî de nê vera qezencanê kurdan de şer kena û piştî dana çeteyan. Erdogan destûr nêdano şarê Sûrîye asanî bicuyo. Piştî dano çete û terorî. DAIŞ û OSO  hêzê xo sîstemê dewleta tirkî yê antîdemokratîkî ra herînenî. Seba pawitişê şarê kurdî hêz û îrade lazim o. Ganî têkoşîn bêro dayîş. Wa heme kes bizano ke seba çareserîya probleman muxatabgirewtişê kurdan şert o. Ganî pêroyê dinya reaksîyan nîşan bido dewleta tirkî.”