MÊRDÎN - Nisêbîn de dimayê qedexeyê tebervejîyayîşê kuçeyan Emîne Ozele seba ke şiro keyeyê xo yê ke bi têlan ameyo dorpêçkerdiş, xo ser têlan eşte û seba vernîya rijnayîşê keyeyê xo girewte 165 TL cezaya pere ro ci ame birnayîş.

 

Nisêbîn ê Mêrdînî de bi desan rey qedexeyê tebervejîyayîşê kuçeyan ame îlankerdiş. Qedexeyo peyîn zî 4 aşmî dewam kerd û qeza de pêroyî 83 kesî cuya xo vinî kerd, bi desan kesî zî koç kerd. TOKÎ yê ke dimayê pêrodayîşan bingehê înan ame eştiş hema zî dewam keno.

 

Wextê qedexeyê tebervejîyayîşê kuçeyan de û pêrodayîş ameyne cuyayîş de, dimayê ke beşêke qedexe ame wedartiş ra dima 6 taxî bi têlan ameyî dorpêçkerdiş. Welatiyê Nisêbînî ke destûr nêdayî keyeyê înan ke pey têlan ra bêrê rijnayîş, xo serê têlan ra eştî û hewl dayî vernî bigîrê. 4 kes wexto ke xo serê têlan ra eştî, ke yew înan ra diganebî, seba bombayê ke teqayî cuya xo vindî kerdî. Emîne Ozela seba ke keyeyê xo nêda rijnayîş xo serê têlan ra xo eşte, bi sûcdariyê ‘qedexe îhlal kerda' dewa aye rê ame akerdiş û dimayê muhakemekerdişî 165 TL cezaya pere ro ci amî birnayîş. Emîneye va, “Keyeyê mi bi. Seba ke ez vernîya kepçeyan bigirî mi nobet girewtêne. Reyna bikerê ez do reyna wina bikerî."

 

Seba pawitişê keyeyê xo amî muhakemekerdiş

 

Welatiyê ke nêwaştî keyeyê înan bêrê rijnayîş, bi rojan warê ke bi têlan ameyo dorpêçkerdiş nobete girewtî. Emîne Ozela 52 serrî dimayê qedexe wedarya dima seba ke keyeyê xo yê taxa Dîcle bivîno şî taxe, hewl da vernîye kepçeyê ke keyeyê aye rijneno bigîro, vernîye rijnayîşî girewte la hetê polîsan bi sebebê qedexe îhlal kerde amî tepiştiş. Emîne cigêrayîş de rastê vatişê 'uca qedexe bi ti çira kewta uca, tu derheqê uca de çîyêk zana?' Amî dima ra amî veradayîş.

 

Cezaya pere dayî bi desan kesî

 

Emîne dimayê ke amî veradayîş, musa ke bi desan kesî sey aye sucê ‘qedexe îhlal kerdê' ameyê tepiştiş û derheqê înan de zî cigêrayîş ameyo destpêkerdiş. Roniştişê yewin ê Emîneye aşma Temmuza 2017an de ame vînayene serrêke beşdarê roniştişî nêbî. Emîne beşdarê roniştişê qerarî bî û berat kerdî.

 

165 TL ceza birnayî 

 

Bi desan kesê bîn yê sey Emîne eynî çî ameyî muhakemekerdiş bi pere dosya înan amî betalkerdiş. Emîne ke dimayê qedexî keyeyê xo tamîr kerde, nika bi torn û domananê xo dir uca de cuyena û va: "Keyeyê mi bi. Seba ke ez vernîya kepçeyan bigîrî mi nobete girewtêne. Reyna bibo ez do eynî çî bikerî."