Ronîda Hacî 

 

HESEKÊ - Temsîlkara Hemseraka Kantonê Hesekî Meha Ibrahîm Şabo dîyar kerde ke Tirkîya bi hêrişê serê Rojawanê Kurdistanî de têduştî û cuya hembeş hedef gêna û va ke ganî nê hêrişî peynî bibê.

 

Derheqê hêrişê tirkîya yê serê Rojawanê Kurdistanî de temsîlkara Hemsereka Kantonê Hesekî Meha Ibrahîm Şabo arde ziwan ke bi nê hêrişan domanî hedef yenê girewtiş û wina va: "Keyeyê merdiman yenê talankerdiş û cuya înan hedef  yena girewtiş. No wehşet o, ganî tirkîya peynî bido nê wahşetî."

 

'Bi hêrişan îradeyê azad vindî nêkenê'

 

Mehaye da zanayîş ke Saraya ke 6 serrî bî, bî qurbanê berjewendîyê siyasî û wina va: "Ganî hêzê mîyanneteweyî fek berjewendiyê sîyasî vera bidê û nêbê sebebê kiştişê domanan. Ê do bi hêrişan nêeşkê îradeyo azad ê şaran bi pelçiqnê. Vera îhlalkerdişê heqê merdiman yê ke hetê tirkîya ra yeno kerdene heme dinya vengê xo berz bikerê." 

 

'Seba ke wehşetê xo binimnê rojnamegeran hedef gênê'

 

Mehaye da zanayîş ke seba tirkîya caardişê ke kena binimna rojnamegeran hedef gêna û wina va: "Tirkîya bi hêrişê xo bena sebebê îhlalkerdişê heqan û mîyanê nê de rojnamegerî zî hedef yenê girewtene. Tirkîya seba lêşinîyê ke kena binimna rojnamegeran hedef gêna. Tirkîya bi hêrişê xo têduştî û cuya hembeş hedef gêna. Keyeyê merdiman yenê talankerdiş û cuya înan hedef yena girewtene. No wehşet o, ganî tirkîya peynîya no wehşetî bîyara."