ENQERE - Endamê MYKî ÎHDyî Nuray Çevîrmene dîyar kerde ke wextê peyînan de caardişê odeya sungerî reyna ameya destpêkerdiş û oda bîya sey cezaya dîsîplînî û wina va: "Ganî problemê hepisxaneyan bi lezgînî bêrê çareserkerdiş. Ganî heme sazgeh û sendîka, wezaretê hukmî û weşîye çareserîke bivînê û bica bîyarê."

 

Hepisxaneyan de îhlalkerdişê heqan her ke şino tewr zêde beno. Raporê ÎHDî yê hîrê aşman ame dîyarkerdiş ke sere de hepisxaneyê mintiqaya Anatolya Mîyanên heme hepisxaneyan de problemê pîl yenê cuyayîş û hepisxaneyê Duzce, Bayburt, Kirikkale, Sîncan û xeylê hepisxaneyê bîn yê kota yê awe dewam keno. Heto bîn ra maddeyêke bîn zî vejîya meydan hepisxaneyan de îşkenceyê odeya sungerî newe ra dest pêkerdo. Endama MYKî ÎHDî Nuray Çevîrmene derheqê îhlalkerdişê heqan yê hepisxaneyan de şîrove kerde.

 

'Surgunkerdiş dewam kenê'

 

Nuraye da zanayîş ke serrê peyînan de surgun zaf bîyê zêde û wina va: "Bê zanayîşê hepsîyan, hepsî yenê surgunkerdiş. Bê zanayîşê înan surgun kenê. Eynî wextî de bi hawayêke zêde seba hepisxaneyê Qeyserî de surgunê cinîyan yenê kerdene û Wan de zî surgunkerdiş dewam keno. Înfazê hepsîyan bêsebeb yenê veşnayîş. Cezayê hucreyan yenê dayîş. Derheqê veşnayîşê înfazan de cezayê hucreyan yenê dayîş. Hepisxaneyê Tîpê T yê Duzceyî de îşkenceyê odaya sungerine dewam keno. Hepisxaneyê Sîncanî de reyna cigêrayîşê dîsîplînî dest pêkerdî. Hepisxaneyê Kirikkaleyî de zî reyna caardişî dewam kenê. Hepisxaneyê Boluyî zî zanayîşê xeylê probleman yeno."

 

'Problemê weşî tewr zêde bîyê'

 

Nuraye dewam de da zanayîş ke xêrcê veşnayîşê înfaz û cezaya hucreyî, awa pake zî hepisxaneyan de çin a, no semed ra problemê weşîye ya hepsîyan her ke şina zêde bena û wina va: "Bi hepsîyê cinîyan dir xeylê problemî vejîyayî. Sîncan de kotaya awe bi serran o dewam kena û seba awe lêşine her kes nêweş kono. Koxuşê ke kota awe yena kerdene, sayaç dayê verê berê înan ro û awe bi sînor yena dayîş. Hepisxaneyan de problemê pîl ê awe yenê cuyayîş."

 

Nuraye tewr peyîn qiseykerdişê xo de va ke ganî nê problemê hepisxaneyan bêrê çareserkerdiş û wina va: "Ganî heme sazgehî, dezge û siyasetmedar î bi babete dir eleqedar bê û Wezaretê Weşîye zî ganî problem çareser bikerê.