Safiye Alagaş

 

STENBOL - Vurnayîşê ke hukmatê AKPî wazeno sererastkerdişê nefeqî bikero, camêrdo bi nameyê Rauf Ahmet Gungoro ke bi 8 serrî yo aşme ra 200 TL nefeqe dano Tulay Tatara ke fek ci ra vera dabî, kerd mîyanê tevgerî. Raufî îdia kerd ke lazimîyê Tulaya ke nêxebityena û debara xo nêeşkena bikera, bi nefeqeyî çin a. Dadgehe zî dewaya seba betalkerdişê nefeqî amî akerdiş red kerd.

 

Sererastkerdişê newe ke yeno waştiş bîyarê, derheqê nefeqî de zî vurnayîşan hewêneno. Bi nê vurnayîşan dir kesê ke nefeqe gênê rewşa înan do 2 serrî ra reyke bêrê cigêrayîş. Netîceyê nê cigêrayîşî de do seba dayîşê nefeqî zî newe qerar bêro dayîş. Rewşa bîyaye de camêrdî seba ke nefeqe nêdê, muracatê heme cayan kenê. Nimûneyê ci zî Rauf Ahmet Gungoro ke 8 serrî yo 200 TL nefeqe dano yo.

 

Rauf Ahmet Gungoro ke Stenbol de cuyeno 2010an de dest Tulay Tatare ra vera da. 3in Dadgeha Asliyeya ê Buyukçekmeceyî qerarê 200 TL nefeqeyî seba Tulay rê bêro dayene da. Ahmet bi 8 serrî yo aşme ra 200 TL nefeqe dano Tulaye. No prosesî de nefeqe de tu vurnayîş nêame meydan.

 

Rauf Ahmetî îdia kerd ke lazimîyê Tulaye bi nefeqî çin o û 2in Dadgeha Keyeyî ê Kuçukçekmeceyî de dewa akerd û waşt ke nefeqe bêro birnayene.

 

Rauf Ahmet waştişnameyê xo de va Tulaya bi demêke yo meaşê teqawîtbîyayîşî ke pîyê aye ra mendo gêna û va no semed ra lazimîyê aye nefeqî rê çin o. Rauf Ahmetî va ke o zî teqawît o, lajê ey verê ey de yo, kîra dano û va: "Tulaye verê maya xo de manena û meaşê pîyê xo gêna. Ez wazena ke nefeqe bêro birnayîş."

 

Tulaye dîyar kerde îfadeyê ke daya dadgehe de dîyar kerda ke dewa bê heq a û dîyar kerde ke cuya xo bi zehmetî dewam kena û wina va: "Belê bi demêke ez meaşê pîyê xo gêna. La qîm nêkeno. Rewşa Rauf Ahmet tewr baş o. Bi serran o 200 tL dano. Seba nîyetê baş mi waştiş nêkerd ke nefeqe bêro zêdekerdiş. Ma hîrê wayê û bira yê. Maya ma bi dor verê ma de manena. Tulaye raporê dimayê emelîyatî seba ci ameyo dayene da dadgehe û qerarê redkerdişê dewa da.

 

Dadgehe dewaya ke Rauf Ahmet akerd, red kerde.