MÊRDÎN - Selamat Yeşîlmena ke Nisêbîn de wextê qedexeyê tebervejîyayîşê kuçeyan de netîceyê gulevaranî de cuya xo vindî kerde. Cigêrayîş de derheqê mergê Selamet Yeşîlmene de pêwa îfadeyê şahidan û raporê otopsî de tu averşîyayîş çin o. Dozgerîye îdia kerde ke ‘delîlê baş çin ê'.

 

Qezaya Mêrdînî Nisêbîn de 3ê Teşrîna peyêne 2015an de qedexeyê tebervejîyayîşê kuçeyan ame îlankerdiş û roja hîrên de (15ê teşrîna peyêne) Selamet Yeşîlmene (44) bî hedefê guleyan û cuya xo vindî kerde. Selamete taxa Firatî baxçeyê keyeyê xo de bî hedef û maya 5 domanan bî. Hedîse de 2 domanê aye zî birîndar bî.

 

Raporê otopsîyê Selamet Yeşîlmene de wina ame vatiş, 'Parçeyê metalî yê gênayê bedenê aye ro, esteyê aye şiknayê û organê aye zereyî birîndar bîyê û merda'. Pêwa îfadeyê şahidan ke gule çara ameyo zî dosya de ti averşîyayîş nêame meydan.

 

Dosya de tu averşîyayîş çin o

 

Selamet Yeşîlmene ke baxçeyê keyeyê xo de bîbî hedefê guleyan û bi saetan destûrê ameyîşê ambulanse nêdayî. Heta Selamete berdî nêweşxane seba ke gonîya aye zêde şî cuya xo vinî kerde. Avûkatan derheqê hedîse de Serdozgerîya Komara ya Nisêbînî rê muracatê sucî kerdî. Tehqîqato ame akerdiş de, raporê otopsî û îfadeyê şahidan ca girewt.

 

Pêwa ke serê dosya ra 3 serrî derbaz bîyo zî dosya de tu averşîyayîş nêvirazîya. Dozgerîye va 'delîlî tam çin ê, ma nêeşkenê kiştoxan bivînê' û dosya wedartî. Pêwa îfadeyê şahidan û waştişê avûkatan cigêrayîşê dîmenê cayê hedîse red kerd.