AMED- Avûkat Gulşen Ozbeke dîyar kerde sererastkerdiş derheqê nefeqî de yenê kerdene, cinîyan nêy camêrdan paweno û va ganî sîstemêke cinîyan serê lingan de bigîro nika bêro munaqeşekerdiş û no zî ferzkerdişêke dewleta komelî ya.

 

Munaqeşeyê derheqê vurnayîşê nefeqeyê ke dima destveradayîşî yeno dayîş de dewam keno. Vurnayîşê derheqê nefeqeyî de rastê reaksîyonê rêxistinê cinîyan û xeylê hetan yeno. Avûkat Gulşen Ozbeke zî derheqê projeyê qanûno wedartişê nefeqeyî de qisey kerde û va amancê nê projeyî o yo ke camêrdan bipawê.

 

'Cinî binê hêrişêke cidî de yê'

 

Gulşene dewam de va vera ke projeyêke cinîyan xurt keno bêro pêşkêşkerdiş, projeyêke cinîyan pêroyî de çin hesibnenê ardê rojeve û wina va: "Prosesê îqtîdarê AKPî de vera destkewteyê cinîyan rê hêrişê cidî yenê kerdene. Her roj cinî rastê şîdetî yenê, yenê qetilkerdiş. Seba polîtîka û caardişê îqtîdarî cinî binê hêrişêke cidî de yê. Her çiqas waştişê komelî çin o zî rojev yenê awankerdiş. Vera vurnayîşê derheqê nê projeyî de bêro kerdene, sewîyeya wezaretî de bi nê vurnayîşî komel ame amadekerdiş."

 

'Projeyê qanûno newe bi pêroyî de camêrdan paweno'

 

Gulşene da zanayîş ke rewşa girewtişê nefeqeyê cinîyan goreyê hûmara domanan, goreyê bîyayîşê doman, rewşa bi qusur ê cinî, prosesê zewacî verê çiman de yeno girewtene û wina va: "Seba nefeqeyî hîn şertan danê vernî. Projeyê qanûno newe zî bipêroyî de camêrdan paweno. Eynî wextî de no proje destveradayîşê cinîyan zî zehmet keno. Bi no proje wazenê ke destveradayîş ra ageyrênê û mahkumê keyeyî bikerê. Ma nê hêrişan vera destkewtişê cinîyan qetî qebul nêkenê. Nê xêrê xo rê nêdanê cinîyan, nê çî ferzkerdişê dewleta komelî yê."