ŞIRNEX - Hemşaredara Tilgebin Rabîa Tekasa ke qayûm tayînê vera aye ame kerdene, dîyar kerde ke şarê Botanî seba ke qayûm ra bixelisîyo rojan hûmariteno û wina va: "Ma do nê zîhnîyetî çin bikerê û şaredarîyan newe ra bigîrê."

 

Weçînayîşê mintiqa yê 2019an 31ê Adare de virazêno. Bajarê ke qayûm tayînê şaredarîyan bîbî, şar bendeyê roja weçînayîşî yo. Bajarokê Tilgebîn ê Sîlopî hemşaredar Rabîa Tekas zî qayûm tayînê cayê aye bibi. Rabîaye va şar bi kelecanêke pîl bendeyê roja weçînayîşî yê.

 

'Mi vera şaredarî qerekole dî'

 

Rabîaya ke dimayê qayûm ame vera aye û am tepiştiş 4 aşmî hepisxane de mende. Rabîaye dîyar kerde ke dimayê ke ageyraya qeza tu çîyêke sey verê nêbîyo û va: "Ez 17ê teşrîna peyêne 2016an de ameya tepiştiş û 4 aşmî tepişnayî menda. Ez ameya bajarok la mi vera şaredarî qereqol dî. Seba ke bi tu hewa şar nêeşkayne şoro sazgeh. Tu têkilîyê ma bi şaredarî dir nêmend."

 

‘Serê nameyê xizmetî tu xebate çin ê'

 

Rabîaye arde ziwan ke şaredarî serê nameyê xizmetî de ti xebatêke nêkena û polîtîkayê bi amancê rantî yenê meşnayîş û wina dewam kerde: "Seba lazimîyê şarî tu çîyêke nîno kerdene. Qayûm bi di serrî yo xêrcê komkerdişê çopî tu çîyêke nêkeno. Heme xebatkarê ke girewtê kar hetgirê înan ê."

 

'Şar bendeyê xelisnayîşî yo'

 

Rabîaye tewr peyîn qiseykerdişê xo de da zanayîş ke qayûman cuya şarê Botanî açernayê cehenem û va şar bi hêvîyêke pîl bendeyê roja ke qayûm şoro. Rabîaye va ke xizmetê ke nînê kerdiş şarî acis kenê û tewr peyîn va ke do nê zîhnîyetî çin bikerê û va do şaredarîyan newe ra bigîrê.