ÎZMÎR - Karabaglaro ke cayo tewr pîl yê ‘vurnayîşê bajarî’ ameyo diyarkerdiş, şar reaksîyon ramojna rojeva 'efûyê îmarî' yo ke erefeyê weçînayîşî de yo. Hemwelatîyan dîyar kerd ke bêzelalî yê qanûn de yê şar bi zanebîyayîş yeno meşgulkerdiş û vatî faturayê krîzî zî feqîran ra ameyo barkerdene.

 

Hemwelatîyan reaksîyon ramojna caardişê 'efûyê îmarî’ yo ke awanîyê vera mevzuatî eleqedar kenê û vatî krîzê ekonomî her tewir şarî rê yeno barkerdene.

 

Welatîyê taxa Lîmontepe, Fîlîz Ataşe da zanayîş ke 'efûyê îmarî’ bêzelalî dir pirr o û va seba zanayîşê ke baş nîno dayîş seba 'qanûno îmarî’ muracat nêkerdê û wina va: "Wezaretê bajarwanî û derûdorî ganî derheqê rijnayîşê awanîyan de, zanayîşo ke zelal bido ke qerarê ameyê dayene derbazdar o ya nê. Ez 35, cîrana mi 50 serrî yo tîya de ya. 2003an de wexto ke ma awe û ceyran girê da me zaf pere da şaredarî. Nika zî vanê waro bi rîsk. Ma kenê qurbanê vurnayîşê bajarwanî."

 

Serpîl Adale zî da zanayîş ke eke keyeyê înan bêro rijnayîş de cayêke şorê çin o û va dewlete bi zanayîş şarî bi nê bêzelalîyan dana vindernayîş. Serpîle dewamê qiseykerdişê xo de da zanayîş ke amancê înan parçekerdişê şarî yo û va ê do bibê yew û wextê weçîayîşî zî do destûr nêdê.

 

Cinîya bi nameyê Gulsade Çakire zî yew welatîya ke pere daya la  tapoyê aye çin a û va: "Ma pere da la înan tapo nêda. Ma hêvîdar ê do tapo bidê. Ma înan ra bawer kerd. Ma vera vurnayîşê bajarwanî yê. Ma nêwazenê tîya ra şorê cayêk bîn."

 

Sete Gulere zî da zanayîş ke ersaya înan bi tapo ya û keyeyê ke ser de viraştê bê ruhsat o û va ê  40 serrî yo tîya cuyenê.