Sibel Özalp-Melike Aydın

 

ÎZMÎR - Muşavîra Huqûqî ya TGSyî Avûkat Meliha Selvî binpaykerdişê heqê merdiman û rojnamegeran, dozê ke ameyî akerdiş û tewqîfkerdişê rojnamegeran kerde û va: “Îqtîdar se bikero ma zî ma gore muhîm nîyo. Kesê ke xeberan amade kenî hetê îqtîdarî ra sey 'terorîst' yenî binamekerdiş. Ma rojnamegeran sey 'rojnameger' biname kenî, sey 'terorîst' nê."

 

Rojnamegerê ke hewl danî raştî biresnî şar û xebetîyenî hetê îqtîdarî ra sey  'terorîst' yenî binamekerdiş û sucê ‘endamîya rêxistine’, ‘rayîrberîya rêxistine’ û ‘propaganda’ ra yenî muhakemekerdiş. Muşavîra Huqûqî ya Sendîkaya Rojnemegerê Tirkîya (TGS) Avûkat Meliha Selvî qala binpaykerdişê heqê merdiman û rojnamegeran, dozê ke ameyî akerdiş û tewqîfkerdişê rojnamegeran kerde.

 

'Heqê xeberdarî destê şarî ra yeno girewtene'

 

Melîha destpêkê qiseykerdişê xo de daye zanayene ke çapemenîya Tirkîya kewta dest îqtîdarî û wina dewam kerde: “Seba ke çapemenî destê yew kesî de ya, cok ra heqê hayîgirewtişî şar ra yeno girewtiş. Rojnamegerî bi hawayo teberê huqûqî yenî tepiştiş û muhakemekerdiş. Xeylê rojnamegerî kar ra ameyî eştiş û betal î. No neheqîyoko gird o.” 

 

'Seba çi rêxistinbîyayîşê sendîqal lazim o'

 

Melîhaye tewr peynî wina va: “Çapemenîya yew kesî tena propagandaya îqtîdarî kena. Seba ke rojnamegerî vera neheqîyan de xo bipawî, rêxistinbîyayîş muhîm o. Ganî rêxistinbîşayîş heme meslegan de bibo. No hetê azadîya heqê resnayîşî de zaf muhîm o. Rêxistinbîyayîş û demokrasî muhîm î."