Nisrîn Hisên / Viyan Said

 

ŞENGAL - Cinîyê Şengalî derheqê tecrîdo giran ê serê Rayberê PKKî Abdullah Ocalanî de vatî: "Heta ke tecrîd bi peynî nêbo do problemê aştî û azadi çareser nêbê. Ma heme cinî vera tecrîdî xo ver bidê. Ganî tecrîd  bi peynî bibo."

 

Rayberê PKKî Abdullah Ocalanî tewr peyîn 11ê Êlule 2016an de bi birayê xo Mehmet Ocalanî dir pêvînayîş kerd û a roje ra nat zanayîş ey ra nêame girewtiş. Rayberê PKKî Abdullah Ocalanî 27ê Temmuza 2011an heta nika bi avûkatan dir, 5ê Nîsana 2015an heta nika zî bi heyeta Îmralî dir nêeşkeno pêvînayîş bikero. Derheqê tecrîdî de cinîyê Şengalî dayî zanayîş ke tecrîd ti hêvî û azadî nêdano ameyoxî rê.

 

'Ganî îradeyê şarî nêro tecrdîkerdiş'

 

Cinîya bi nameyê Nazdar Mamo wina va: "Ma tecrîdê serê Rayberê xo qetî qebûl nêkenê. O îradeyê mîlyanon o. Ganî vera îradeyê bi milyonan rêzdarî bêro mojnarayîş. Ganî îradeyê şaran nêro  tecrîdkerdiş. Ma bêvengîyê dinya vera nê bêhuqûqî şermezar kenê. Heta ke ma Serekê xo ra zanayîş bigîrê, ma do mîyanê têkoşîn û çalakîyan de bê. Ma do heta peyîn wayîrê îradeyê xo vejîyê."

 

'Ma do vera tecrîdî xo ver bidê'

 

Berfê Elyase zî da zanayîş ke tecrîdo giran ê serê  Rayberê PKKî Abdullah Ocalanî de nêheqîyêke pîl o û wina va: "Sere de ez Serekê xo bi rêzdarî selam kena. Serok cuye yo, ma do heta peyîn seba cuye xo ver bidê. Tecrîd ti hêvî nêdano ameyoxêke azad û aştîye. No semed ra ganî heme dinya hemverê tecrîdo giran vinderê. Heta ke tecrîd peynî nêbo do problemê aştî û azadî çareser nêbê. Ma heme cinî vera tecrîdî xo ver bidê. Ganî tecrîd peynî bibo."