Lîlav Elî

 

ŞEHBA - Endama Koordînasyona Kongreya Star Newroz Haşime daye zanayene ke tecrîdo girankerde ke Rayberê Şarê Kurdî û PKKyî Abdullah Ocalanî ser de yeno domnayene teberê huqûqî yo û wina va: “Fikrê azad nînê tecrîdkerdiş. Rayber Apo seba azadîya cinîyan û komelî têkoşîn dano. Ganî merdimê ke seba azadîye têkoşîn danî azade bibî.”

 

Dewleta tirkî 27ê temmuza 2011î ra nata Rayberê Şarê Kurdî Abdullah Ocalanî ser o tecrîdêko giran domnena. Badê ke 11ê êlula 2016î de Mehmet Ocalanî birayê xo reyde pêvînayîşêko kilm viraşt, ti xebere Ocalan ra nîna girewtene. 27ê temmuza 2011î ra nata avûkat û 5ê nîsana 2015î ra nata zî heyetê Îmrali nêeşkenî şêrî pêvînayîş. Her ke şono vera tecrîdî de reaksîyonî zêde benî. Endama Koordînasyona Kongreya Star Newroz Haşime vera tecrîdî de reaksîyon nîşan daye û dîyar kerd ke çîyê ke yenî kerdene teberê qanûnanê mîyanneteweyî û huqûqî yî. Newroze dîyar kerde ke Rayber Apo timî vera zîhnîyeto serdest de xover dayo û cuyêka seyyewbînanî û roşna pawito.

 

'Ma deyndarê Rayberê xo yî'

 

Newroze qiseykerdişê xo de va ‘Rayber Abdullah Ocalan rayîrê raşt nîşanê komelî dayo’ û wina dewam kerde: “Rayber Apo cîyayê nêkeno mabenê merdiman û embazê cinîyan yê zerrîwaştox o. Kesê ke embazê cinîyan bibî, embazê komelî yî. Rayber Apo seba ke komel aver şêro û îqtîdar raşte ra bêro wedarnayîş têkoşîn dano. Cok ra o waşt ke cinî tarîxê xo bişinasnî. Ma deyndarê Rayberê xo yî. Ganî ma seba azadîya Apo têkoşînêk ortax bidî.”

 

'Eke Rayber Apo azad nêbo do îqtîdarî dewam bikero'

 

Newroze qiseykerdişê xo yê peyênan de bale ante tecrîdo girankerde ke Rayberê Şarê Kurdî Abdullah Ocalanî ser de yeno domnayene ser û va: “Tedaya serê Ocalanî yena mehneya tedaya serê komelî. Îqtîdar qezencê cinîyan hedef gêno û nêwazeno ke komel aver şêro. Ganî ma destûr nêdî ke nê kayî biresê hedefê xo. Fikrê azad nînê tecrîdkerdiş. Rayber Apo seba azadîya cinîyan û komelî têkoşîn dano. Ganî merdimê ke seba azadîye têkoşîn danî azade bibî.”