BEDLÎS - 10 keyeyî ke cenazeyê domananê înan Goristanê Xerzanî ra ame vetiş, ameyî Bedlis û muracatê Serdozgerîya Komara ya Bedlisî kerdî.

 

Serra par aşma Kanûne de Goristana Xerzanî yê dewa Oleka Cor ê girêdayê Bedlîsî de 267 cenazeyê endamê PKK, HPG û YPGyî bi sebebê “Testê DNA” bê zanayîşê keyeyan, cenazeyî goran ra ameyî vetiş û eşrawitî Sazgehê Tipê Edlî (ATK) yê Stenbolî. Serê rijnayîşê goristanî dir 10 aşmî derbaz bi. Dimayê ke cenaze berdî ATK yê Stenbolî, 61 rojî dima ra heta nika cenazeyê Dîlan Bîngol û Celal Ovme teslîmê keyeyan amebi kerdene. Verê nê de 10 aşmî vetişê cenazeyan ser derbaz bi zî la hema zî nimûneyê gonî ya seba DNAyî keyeyan ra nêameya girewtiş.

 

10 keyeyê ke cenazeyê domananê înan Goristanê Xerzanî ra ameyî vetiş, ameyî Bedlis û muracatê Serdozgerîya Komara ya Bedlisî kerdî. Keyeyî dimayê ke muracat dozgerîye kerdî şî Nêweşxaneyê Dewlete û seba testa DNA nimûneyê gonî dayî.