Duygu Cînîvîz

 

EDENE - Cinîyê citkar yê dewê qezaya Pozanti de cuyenê serrêke verê Kooperatîfê Cinîyan ê Pozanti de ameyî têhet. Raywanîya bi 7 cinîyan dest pêkerd, nika bi keda 25 cinî pîl beno.

 

Qezaya Pozanti ya Edeneyî cinîyê ke dewê derûdorê qeza de cuyenê, serrêke verê ameyî têhet û Kooperatîfê Cinîyan ê Pozanti awan kerdî. Raywanî bi 7 cinîyan dest pêkerd û nika bi 25 cinî dewam keno û bi destê cinîyan xidayê wişk, berardişê şit û goşt yenê amadekerdiş.

 

'Ma berardişê keda destê xo roşenê'

 

Yew awankerdoxa kooperatîfî Havva Kapuza nika mîhracanê Edeneyî de, standan de berardişê kooperatîfî roşena. Havva wina vana: "Ma rîçalê xo serê adir, xidayê xo yê wişk zî verê rojî de wişk kenê. Reyna dewê koyîyê zî cehtire, nane û hingimên anê. Koperatîfê ma bi 7 cinîyan dest pêkerd, nika resa 25 cinî. Ma veng danê heme cinîyan ke wayîr keda xo vejîyenê wa bêrê koperatîf de bixebityê."

 

'Ez serberz a'

 

Emîne Aydine aye zî awankerdoxa koperatîfîya va, aye seba cinîyêke kedkar a û dewij a serberza û wina va: "Ma yenê mîhrîcanan û standê xo akenê. Ez nanê tewqe viraznena. Mangaya mi esta. Ez bi şitê aye mast û penîr viraznena. Dima ra roşena. Ma fêkiyê xo yê wişk anê roşenê."

 

Mudirê Şubeyê Rêxistinbîyayîşê û Averbîyayîşê Bejayî yê Mudirê Ramitişî Nîlay Artoke zî da zanayîş ke kar û barê fermî yê awankerdişê koperatîfî ameyo kerdene û arde ziwan ke amancê înan o yo ke heta înan ra bêra Kooperatîfê Cinîyan ê Edeneyî bidê eşnawitiş û vengê cinîyê dewijan bidê eşnawitiş.