Safiye Alagaş

 

STENBOL- Mevlude Başdaşa ke hepisxaneyê Cinîyan ê Şakranî de hepsîya û  nêweşa û se ra 86 astengdara, seba problemê xo yê weşîye muracatê Serdozgerîya Komara ya Îzmîrî da û waşte ke bêra tahlîyekerdiş. La 5 aşmî dima qerarê redî dayî.

 

Rewşa hepsîya nêweşe dayîke Aştîye Mevlude Başdaşe ke se ra 86 astengdara û hepisxaneyê Şakranê Îzmîr de manena her ke şino rewşa aye giran beno. Mevlude nêweşa qelb, şekir, gurçik û tansiyonî ya. Hetê Nêweşxaneyê Cigêrayîş û Perwerdeyê Gazî Yaşargîl ê Amedî ra raporê se ra 86 astengdara amebi dayîş. Mevlude aşma gulana vîyarte de seba rapor bigîra muracatê Sazgehê Tipê Edlî (STE) da û 5 aşmî dima ame vatiş ke ‘eşkena hepisxane de bimana'.

 

Mevludeya ke wendiş û nuştişê aye çin o, mektub û waştişnameyê aye hetê embaza aye koxuşe Sîbel Mustafaoglu ra yenê nuştiş. Sîbela ke mektubanê Mevlude nusnena, faksê ke eşrawit Komeleya Komeleyê Sivîl ê Sîstemê Înfazê Ceza (CÎSST) de dîyar kerde ke xeylê mektubî ameyê desteserkerdiş û wina va: "Seba ke nameyê mi nuştî û eşrawitî nêeşkena pişta xo rast bikerî. Nuştiş ageyra îşkence. Çîyo esas zî o yo ke xeylê çîyê bêrê nuştiş estê. La sey şima zî zanê nêresenê verê destê şima. Sey ko berz bîyê labelê nêeşrawenê."

 

'Dozgerîye waştişê tahlîye red kerde'

 

Sîbele rewşa peyîn yê Mevlude Başdaşe nuşte û va dozgerîye waştişê tahlîye red kerda. Sîbele wina va: "Mi waşt ez rewşa peyîn ê dayîka Mevlude binusnî. 5 aşmî verê zî seba rewşa aye ma muracatê tahlîye kerd la dozgerîye cewabê red da. Heqê ma yê îtîrazî seba Desturê bingehîn esto? Eke esto ma do senîn muracat bikerê. Derheqê rewşa Mevlude de xeylê çîyê ke ez binusnî estê. Labelê ez nêeşkena binusnî."

 

Seba avûkatan vengdayîş

 

Sîbele da zanayîş ke avûkato/a ke têkilîyê înan bi CÎSST dir esto ganî bi Mevlude rê eleqedar bê û wina va: "Avûkatêke no faksî biwano/a û seba dayîka Mevlude bêrê ma do zaf bibê. Seba dermankerdişî ganî eleqe bibo. Ma tîya heta destê ma ra bêro ewnîyenê aye ra."

 

Lajê Mevludeye, Metîn Başdaşî zî rojê vîyarte de roportaj dabi ajansê ma JIN NEWSî dîyar kerdib ke do heme îmkanê huqûqî bixebitnê û muracatê heme cayan bikerê û heta CPT zî do şêrê.