ŞIRNEX - Qedexeyê Sîlopîyî de taxa Şehîd Harunî de netîceyê bombaya ame eştiş de Fatma Yîgîta 17 serrî cuya xo vindî kerdebî. Derheqê hedîse de muracato ke amebi kerdiş la ame zanayîş ke bi 3 serrî yo belgeyê têkilîyê hedîse de nêeşrawitê dozgerîye.

 

Qedexeyê tebervejîyayîşê kuçeyan ê serra 2015an Sîlopyî yê Şirnexî de xeylê kes wextê pêrodayîşan de cuya xo vindî kerdibî. Taxa Şehîd Harun ke nêkewtêne çarçeweya qexeyî netîceyê bombaya amî eştiş de hat Fatma Yîgîta 17 serrî cuya xo vindî kerde. Hedîse 12ê teşrîna peyêne virazya de polîsan nêverda Fatmaya birîndar wedarnê nêweşxane û rayîr de seba vindîkerdişê gonî de cuya xo vindî kerde.

 

Keyeyî zî no ser rapor nêweşxane ra girewt û îfadeyê şahidan  Mudirîyê Polîsan ê Sîlopî gerre kerdî û ame zanayîş ke belgeyê derheqê muracatî de qet emnîyet ra nêvejîyayo û cigêrayîş nêameyo destpêkerdiş.

 

Belge emnîyet de mendî!

 

Raporê otopsîyê Fatmaye de zî îfadeyê ‘bi çek ameya kiştiş' ca girewt. Dimayê ke rapor vejîya keyeyî muracatê sucî emnîyetî rê kerd. Avûkatê ke hewl dayî bimusê derheqê muracatî de averşîyayîş esto yan nê, dosyayêke cigêrayîşî nêvînayî. Netîceyê cigêrayîşî ame kerdiş de ame zanayîş ke pêwa 3 serrî derbaz bîyo hema dosya emnîyet de ya û nêşîya dozgerîye.

 

Avûkatan dîyar kerdî ke do reyna muracat bikerê û dosya newe ra abikerê.