Hîkmet Tunç

 

WAN - Dewaya qorîcî Tekîn Gulaçti de ke 2 ci ra astengdar vera 3 wayan hêrişê zayendî kerdib de gumanbar 40 serrî û 10 aşmî cezaya hepisxaneyî ame birnayîş. Aktîvîst Songul Ozunvere dîyar kerde ke na dewa seba dewayê bi nê hewa girîng ê û va dewa bi piştdayîşê cinîyan bi netîce bîya.

 

Qezaya Payîzava yê Wanî dewêke de qorîcîyo bi nameyê Tekîn Gulaçti 2 ci ra astengdar vera 3 wayan hêrişê zayendî kerdib. Dewaya ke Tekîn tewqîfkerde ameyne muhakemekerdiş de heyetê dadgehe 40 serrî û 10 aşmî ceza birna. Aktîvîst Songul Ozunvere dîyar kerde ke dewa di serrî bi ke dewam kerdêne û va no qerar seba heme deweyan do bi tesîr bo.

 

Songule derheqê roniştişî de wina va: "Pêwa ke dewaya selahîyetdarî bî, keye hetê ekonomî û manewî de tena ame verdiş. Pêwa ke bi desan rey mi roportaj û çapemenîya komelî de pare kerd zî roja roniştiş de ez, embazê rojnameger û pîyê înan mendî. Ma heta peyîn têkoşîn da. Netîceyê hewldayîşê pîl de ma piştdayîş pîl kerd la çîyo ke ma tewr zêde xemgîn kerd, keye û domanî tena ameyî verdayîş bi. Çira ti merdimêke piştdayîş nêda? Sey ê sucdar bî nêzdî bî. Hetê hemverê înan zî her wext xurt bî. Hetê sucdar xurt bî."

 

'Prosesêke asan nêbi'

 

Songule dewamê qiseykerdişê xo de da zanayîş ke prosesêke asan nêbîyo û wina va: "Na cografya de bi taybet wextê ferzkerdişê namûsî yeno vatiş, seba camêrdan heme çî vindeno. Ma ti merdimêke keyeyî kîşte înan de nêdî. Keye Gever ra dewa Payîzava yê Wanî de bi ca bîbî. Dimayê îstîsmarî taxêke Wanî de bi ca bî. Cuyake qet nêzanayne cuyayî. Keye hetê ekonomî û manewî de zaf problem cuyayî."

 

Sonule tewr peyîn da zanayîş ke keye 2 serran şert û mercê giran de cuyay û pîyê domanan vato ke 'ez êdî nêeşkena xo ver bidî. Ez do domananê xo bikşî û ez do întîxar bikerî'. Songule wina dewam kerde: "Ez û embazê xo şî serdayîşê înan. Ma pî ra va ‘sebr bike, beno ke proses derg dewam bikero, la ma do qetî derbaz bikerê'. Ma hîn bi vatişan ey rehet kerd. Ma her wext şî û ameyî. Ma her wext telefon zî kerd."

 

Songule va hema prosesê dewa nêqedîyayo û va no qerar emsal bi û seba dewayê îstîsmarî yê bîn zî nimûneyo û va ê hêvîdarê ke no qerar xiranêbo. Songule qiseykerdişê xo de va ê taqîbkerdoxê qerarê ke dadgeha berz ra bêro yê.