ŞIRNEX - Cizîr de wextê qedexeyê tebervejîyayîşê kuçeyan de kesê ke cuya xo vindî kerdibî cenazeyî 14 kesan pêwa ke 3 serrî derbaz bîyo zî hema vindî yê. Hezne Aslana ke hem lajê xo û hem zî kêna xo qedexeyî de vindî kerde, cenazeyê lajê xo Saîd dî, la ya kêna xo Hacere hema nêdîya. Hezne dîyar kena ke aye cenazeya kêna xo wazena û arde ziwan ke qe nêbo wa gorêke aye biba û bieşko şoro serê aye û hesreta xo derbaz bikera.

 

Qedexeyê tebervejîyayîşê kuçeyan ê Cizîrî de bi seyan kesî cuya xo vindî kerdibî û pêwa ke qedexeyan ser 3 serrî derbaz bîyo zî hema cenazeyî 14 kesî vindî yê.

 

14 cenazeyî ça de yê?

 

Keyeyê ke seba domananê xo têkoşîn dayî, xeylê rey nimûneyê gonî dayî. Keyeyan 5 rey nimûneyê gonî dayî, hetê Sazgehê Tipê Edlî ra her rey rastê cewabê ‘Cenazeya ayîdê nê testî DNAyî nêame vînayîş' ameyî. Keyeyê ke têkoşînê xo dewam kenê dîyar kenê ke cenaze wextê înşatê TOKÎ de cayê ke enqaz ameyî rijnayîş yanî Çemê Dîcle ya zî goristanê bêkesan de yê.

 

Heto bîn ra zî wextê înşaatî de 3 cenaze ameyî vetiş û seba vindertişê TOKÎyan zî muracatê ke ameyî kerdiş bênetîce mendî.

 

'Ez cenazeya kêna xo wazena'

 

Hezne Aslane ke pêrodayîşan de hem kêna û hem zî lajê xo vindî kerde, seba cenazeya kêna xo Hacere bivîna bi 3 serrî yo têkoşîn kena. Hezne dîyar kena ke aye cenazeya lajê xo dîya û wina va: "Wexto ke ma lajê mi dî, mi va belkî cenazaya kêna min a. La ê lajê mi bî. Bi 3 serrî yo ez hesreta esteyê kêna xo ya. Ez her roje hewnê xo de vînena. Ez cenazaya kêna xo wazena."

 

Nameyê 14 kesê ke vindî yê wina yê: Ferîde Yildiz, Sakîne Durmîş, Hacer Aslan, Osman Gokhan, Huseyîn Dervîşî, Servet Aslan, Serdar Pîşkîn, Îdrîs Susîn, Alî Aslan, Cemal Purlek, Emrah Aşkan, Osman Esmeray, Mustafa Keçanlu û Emrah