Tolîn Muhemed

 

ŞEHBA - Dimayê hêrişê serê Efrînî bi hezaran Efrînî bi zor herra xo ser ameyî koçkerdiş. Cinîyê ke Kantonê Şehbayî de ameyê bicakerdiş, reaksîyon mojnayî hemkarîya Tirkîya û Rûsya û vatî kayê ke hêzê mîyanneteweyî çîyê ke serê şarê kurdî de bi ca anê do veng vejê.

 

Dimayê ke serê Efrînî hêriş ameyî meydan bi hezaran keyeyî bi zor bajar ra ameyî vetiş û ameyî koçkerdene. Cinîyê ke mecbur Efrîn ra vejîyayî û Kantonê Şehba de bi ca bîyê nêrazîbîyayîşê xo ardî ziwan. Cinîyê Efrînî ardî ziwan ke hêrişê serê Efrînî hemverê tasfîyekerdişê erjê kurdan bi û vatî ke do şarê Efrînî komplo veng vejê.

 

'Ma do komplo veng vejê'

 

Cinîyan ra Ruşîn Muhemede ke dewa Hemamî ra ya arde ziwan ke wexto ke babete bena kurd heme dewletî benê yew û wina va: "Seba ke ziwanê ma, kulturê ma û bîyayîşê ma, serê rîyê erdî de çin bikerê heme dewletî benê yew. Heme dewletê mîyanneteweyî bi taybetî Tirkîya her wext serê kurdan polîtîkayê qirkerdişî dayê meşnayîş. Yew nê qirkerdişan ra zî hêrişê serê Efrînî bi. Ma do sey cinîyê Efrînî nê kayê serê şarê kurdan de yenê kerdiş veng vejê. Seba ke ewro bi hezaran cinî, doman û ciwan serê fkir û felsefeyê Rayber Apo de meşyenê."

 

'Ma do dagirkerdişî rê rayîr nêdê'

 

Zozan Hebeşe zî dîyar kerde ke Tirkîya û Rûsya bi pêameyîşê tewr lêşin hêrşê Efrînî kerdî û va ke do cinî destûr nêdê dagirkerdişî rê û wina va: "Dewleta tirkî bi hemkarîyê dewletê mîyanneteweyî yê sey Rusya bi komployêke pîl Efrîn dagir kerdî. Seba ke rîyê dewletan ê lêşin eşkera  nêbê, komê çeteyan yê sey DAIŞ, El NUSRA  birêxistin kerdî û serê ma de ardî. Ma sey cinîyê kurd hêzê xo felsefeyê Rayber Apo ra girewto. Ma do dagirkerdiş rê rayîr nêdê û ma do bi têkoşîn û rêxistinbîyayîşê xo serkewte bibê."

 

'Ma do vera komplo bibê hêzê xoverdayîşî'

 

Tewr peyîn Zelox Reşîde reaksîyon mojna hemkarîyê Tirkîya û Rusya û va ke xiyanet bi ser nêkono û wina dewam kerde: "Tarîx ra heta nika hêzê komploger her wext vera têkoşînê kurd hêrişê tasfîyekerdişî dayê meşnayîş. Kayê ke serê şarê kurd yenê kaykerdiş ma qebûl nêkenê. Ma do bi têkoşînê xo vera komplo û dagirkeran de bibê hêzê xoverdayîşî."