Rûken Goman

 

DÊRIK - Bajarê Dêrîkî yê Rojawanê Kurdistanî de Ruweyda Mohemeda ke 30 serrî yo debara xo bideştişê cilan kena.

 

Bajarê Dêrîkî yê Rojawanê Kurdistanî de cinîya bi nameyê Rûweyda Mohemede 30 serrî yo bi destişê cilan debara xo kena. Rûweyda hemverê heme şerd û zehmetîyê cuye bi terzîxaneyê xo têkoşîn kena. Rûweyda dîyar kerde ke cinî qetî zehmetîyê cuye rê teslîm nêbîyê û va ke cinîyan bi awankerdişê xo her wext hetê ekonomî de serê lingan de mendê.

 

'Cinîyê kedkar teslîmê zehmetê cuye nêbenê'

 

Rûweydaye dewamê qiseykerdişê xo de arde ziwan ke keda ke cinî dana pîroz a û va: "Destpêk de ma Hedade cuyaya. Dimayê ke şer û pêrodayîşê mintiqa de şer qewimya ma dewe xo ra vejîyayî û ameyî Dêrîk. Xora seba ke ez debara cuya xo bikerî mi dest bi karê deştişî kerd. Ez maya xo ra musaya karê deştişî. Wexto ke maya mi nêweş kewte mi xebate aye dewam kerde û xo rê terzîxane akerd. Nika zî xebate kena û cil û belgê cinîyan derznena. Beno ke çîyêk merdimî nêmano merdim hîsgêr bibo, la na nîna manaya ke ma zehmetîyê cuye rê teslîm bibê. Seba no zî ez nika bi karê deştişî dir cuya xo newe ra gane kena û ekonomîya xo xurt kena."

 

'Ganî cinî qîmetê destê xo bizanê'

 

Ruweydaye tewr peyîn qiseykerdişê xo de bale ante serê girîngîyê xebata cinîyan û wina va: "Keda cinîyan her wext pîroz û bi qîmet a. Ganî cinî qîmetê keda destê xo bizanê. Cinî her wext vera zehmetîyê cuye de mîyanê têkoşîn de ya û bi keda xo debara xo kena û ekonomîya xo serê lingan de verdena. Cinî bi keddayîşî weşik bena."