Safîye Alagaş

 

STENBOL - Avûkat Mîne Akarsuya ke rasteyê Têkilîya Cinîyan ya Komeleya Komelê Sivîl ya Sîstemê Înfazê Ceza (CÎSST) de xebetîyena dîyar kerde ke seba pelçiqnayîşê heqê hepsîyan xeylê reyna muracatan kerdî, la her rey cewabê ‘cigêrayîşo ke lazimo ameyo kerdiş’ û ‘îxlal nêameyo dîyiş’ dîyeno înan û derheqê rewşa hepsîyan de ti çîyêk nîno kerdiş. 

 

Zîndananê Kurdistan û Tirkîya de peynîya neheqîyan nîna. Na rewşe ra tewr zêde hepsîyê nêweş tesîr benî. Avûkat Mîne Akarsuya ke rasteyê Têkilîya Cinîyan ya Komeleya Komelê Sivîl ya Sîstemê Înfazê Ceza (CÎSST) de xebetîyena qala rewşa hepsîyê nêweşan kerde. Mîne dîyar kerde ke zêdebîyayîşê hûmara hepsîyan vera xeylê zehmetî yenî antiş.

 

Xeylê hepsîyê nêweş estî

 

Mîneye qiseykerdişê xo de wina va: “Prosesê OHALî de pêroyê muracatê ma bênetîce mendî. Hepsîyê cinî zehmetîyan ancenî. Mîyanê înan de hepsîyê nêweş yê ke rewşa înan giranî zî estî. rewşa Mevlude ya ke zindanê Îzmîrî de manena neqlê gurçiqan bîya û se ra 80 raporê aye esta. Fatma Ereza Zindanê Tîpa Eyî yê Isparta de manena nêweşa Skolyozî ya. Halîme Acara 70 serrî Zindanê Elezîzî de manena û nêweşa giran a. Fatma Ozbaya ke Zindanê Tîpa Eyî yê Erziromî de manena nêweşa rîşa merdimwere ya.”