ÎZMÎR - Avûkatê Baroya Îzmîrê Mevluda Sena Yazibaglil Gule dîyar kerde ke do sereraştkerdişê nefeqeyî xebata teberê qeydan zêde bikero û va: “Camêrd seba ke pere nêdî teberê qeydan xebetîyenî. Demêk ra dima efu vejîyeno û nê kesî seke pere dayî benî. Wexto ke rewşe wina problemin biba, sereraştkerdişê ke yenî kerdiş do xo dima mexdurîyet awan bikerî. Na rewşe do xebata teberê qeydan zêde bikera.”

 

Sereraştkerdişê nefeqeyî heqê tewr muhîmî yê cinîyan ra yew o û nuqtaya 175î ya Qanûnê Medenî de ca gêno. Badê ke Serekomar Tayyîp Erdoganî ke 3ê tebaxe de Planê Çalakîya 100 rojan aşkera kerd, munaqeşe dest pêkerdî. Wezîr Abdullah Gulî prosesê programî de vatbî ‘Ganî prosesê nefeqeyî yê bêdem bêro nermkerdiş.’

 

'Derheqê sererastkerdişî de xebate nêame kerdene'

 

Senaye derheqê babete de qisey kerde û va: “Wazenî mîyanê qanûnî veng bikerî û îfadeyê ‘bêdem’ yeno manîpulekerdiş. Derheqê sereraşkerdişê newe ke lazimî pê esto ya çin o de ti xebate nêame kerdişe. Vîşêrê Yewîya Cinîyê Tirk û Federasyonê Komeleya Cinîyê Tirkîya ti kesêk dawetê programî sereraştkerdişî nêame kerdiş.”

 

'Cinî bi domananê xo ra yenê tehdîdkerdiş'

 

Senaye qiseykerdişê xo yê peyênan de bale ante sereraştkerdişî ser û  wina va: “Babeta yewbîna ra fek veradayîş tena na nuqta de sînordar a û cinîyî badê fekveradayîşî bi domananê xo yenî tehditkerdiş. Badê feveradayîşî keso ke feqîr keweno, cinî ya. na babete problemin a. Ewro 288 hezar cinîyî keyeyê xo teber kar kenî û teberê qeydan xebetîyenî. Wedarnayîşê nefeqeyî do rewşa cinîyan bikero zorî. Derheqê do çiqas nefeqe bêro dayîş de ti cigêrayîşêk nêameya kerdişe.”