Dîlan Babat

 

ENQERE - 3in Kongreya Partîya Xelisnayîşê newe ra Sosyalîstan (SYKP) hewteyo vîayrte bi sloganê ‘Xo ver bide bibe yew, newe ra awan bike' virazya. Canan Yuce û Cavît Ogur hemserek ameyî weçînayîş. Canan Yuce derheqê xerîteya rayîrî newe, operasyonê qirkerdişê sîyasî û tifaqê cinîyan de qisey kerdî.

 

Canane va proseso ke krîzê sîyasî û ekonomî zêde bîyo de kongreya xo viraştê û wina va: "Ma xerîteya xo ya rayîrê xo dîyar kerd. Ma vera faşîzmî bi sloganê ‘Xo ver bidê bibê yew, newe ra awan bike' awan kerd. Ma kongreya xo de dîyar kerd ke gerek hêzê wayîrê kede, demokrasî û azadî vejîyenê û pîya têkoşîn kenê."

 

'Ma do tewr zêde bêrê têhet'

  

Canane arde ziwan ke do warê têkoşînî bi cinîyan dir tewr zêde bimunê û wina va: "Hêrişo tewr pîl vera cinîyan virazêno. No semed ra ganî cinî fek têkoşîn ra vera nêdê û têkoşîn bikerê.”

 

Canane heto bîn ra da zanayîş ke AKP bi serran o seba heqê cinîyan xesp bikerê xeylê qanûn vetê û va seba heqê nefeqeyî zî pîya têkoşîn bikerê û va vengdayîşê cinîyan awanbîyayîşêke xurt esto. Canane tewr peyîn de da zanayîş ke do cinî dînamîko tewr pîl yê têkoşînî bibê.