STENBOL - Rojnameyê Dîvrîgî ke problemê mintiqa û cuye resneno wendekaran, bi 14 serrî yo weşna keno. Wayîra rojnameyî nuştox Saadet Bayare arde ziwan ke weşangerî zaf zehmet a û bale ante serê wendişê komelî.

 

Rojnameyê Dîvrîgî ke 14 serrî yo qezaya Dîvrîgî ya Sêwasî de nebzê şarî gêno, çîyê ke qeza de yenê cuyayîş neql keno. Rojname qezayêke sera 90 Elewî cuyenê de vejîyeno. Rojnameyê Dîvrîgî, nebzê şarî gêno û rojeva neteweyî ra zî dûr nêkono.

 

Problemê qeza gêno rojeva xo

 

Wayîra Rojnameyê Dîvrîgî nuştox Saadet Bayare arde ziwan ke weşangerî zaf zehmet a û va wendişê komelî zî zaf kêm o û wina va: "Mi û mêrdeyê xo pîya cayê rojnameyî akerd. Kewt 14 serrî yê xo. Ma problemê komelî anê ziwan. Problemê Elewîyan anê ziwan. Ma babetê seba feydeyê Elewîyan anê ziwan. Stenbol de zî Ofîsa ma esta. Hesabê çapemenîya komelî ya ma zî esta. Xeberê ma rojnameyê rojane ra zî bî manşet."