Sorgul Şêxo

 

TIL TEMIR - Domana 15 serrî û bi nameyê Xufiran Îbrahîme ke dewa Eyn El-Ebdî yê Til Temirî ra ya vera astendarîye bi hetkarîya maya xo têkoşîn kena. Maya Xufirane, Şêxa Taha vengdayîşê hîsgêrî kerde û va ke lazimîyê înan bi biştdayîş esta.

 

Domana 15 serrî û bi nameyê Xufiran Îbrahîme ke Dewa Eyn El-Ebdî yê Til Temirî ra ya di lingî, dest û ziwanê xo ra astengdar a. Xufirane bi xêrê hetkarîya maya xo Şêxa Taha serê lingan de manena û lazimîyê xo kena. Şêxaye derheqê astengdarîya kêna xo dîyar kerde ke aye zaf zehmetîyan ancena û va lazimîyê înan bi hetkarî esta.

 

'Xufurane wexto ke nêeşkena kay bikera zaf xemgîn bena'

 

Şêxaye dîyar kerde ke seba ke kêna aye baş biba aye zaf hewl daya la baş nêbîya û wina va: "Wexto ke Xufurane vînena ke domanî futbol ya zî kayê bînan kay kenê û aye nêeşkena kay bikera zaf xemgîn bena. Wexto ke çîyêke wena û şimnena zaf zehmetî ancena. Ez hetkarîya aye kena. La reyna zî merdim wexto ke rîyê aye bi huyayîş vîneno, zerrîya merdimî şa bena. Eynî wextî de zaf hîsgêr a. Wexto ke waye aye ya zî birayê aye nêweş bikoyê zaf xemgîn bena û bermana. Pêwa heme zehmetîyan ez ewnîyena kêna xo ra û ez zaf ci ra hes kena."

 

Vengdayîşê hetkarî

 

Şêxaye tewr peyîn vengdayîşê hetkarî kerde û va: "Ez veng dana heme hetê hîsgêran ke vengê ma bieşnawê û hetkarîya ma bikerê. Pêwa heme zehmetîyan ma vera astengdarî têkoşînê cuye danê. Ma hêvî kenê ke kesê hîsgêr î hetkarî bidê têkoşînê ma yê cuye."