Ronîda Hacî 

 

HESEKÊ - Endama Îdarekarê Radyoyê Sewt El-Heyat Sozda Ehmede derheqê tepiştiş û tewqîfkerdişê rojnamegerê Tirkîya û Kurdistan arde ziwan ke no helwestêke vera huqûqî yo û wina va: "Dewleta tirkî hêzê cinîyê Rojnamegeran ra tersenê. Rojnamegerî veng û rastîya komelî yê."

 

Netîceyê operasyono ke merkezê ci Amed bi 9 bajaran de ame kerdene xeylê rojnameger û sîyasetmedar ameybî tepiştiş û hîn ci ra ameyî tewqîfkerdiş. Têkildarê babete Endama Îdareyî Radyoyê Sewt El-Heyat Sozda Ehmede va: "Tepiştiş û tewqîfkerdişê rojnamegeran û sîyasetmedaran nîşaneyê vindîkerdişê dewleta tirkan o."

 

Sozdaye da zanayîş ke nê operasyonê yenê kerdiş vera têkoşînê seba demokrasî yo û va: "Bi hêriş û tewqîfkerdişê rojnamegeran dewleta tirkî wazena têmîyanîya xo yê mîyanxo û têmîyanîya ekonomî binimna.  Ê wazenê ke Dewleta Tirkî têmîyanî ser nêvejîya meydan. No semed ra zî hêrişê rojnameger û sîyasetmedaran kenê."

 

'Rojnameger veng û rastîya komelî yê'

 

Sozdaye wina qedêna: "Babeta hêrişê serê rojnamegeran de bi taybet cinî hedef yenê girewtiş. Rojnamegerê cinî seba pawitişê heqîqetî têgeyrenê. La ewro vînenê ke hetê Dewleta tirkî ra yenê tepiştiş. Bêvengîyê çapemenîya dinya û rêxistinê heqê merdiman zî nîno qebûlkerdiş. Rojnemegerê cinî ro heme hetê dinya yenê tepiştiş, kiştiş û vera înan destdergkerdiş yeno kerdiş. Ganî cinî vera nê vengê xo berz bikerê. Dewleta tirkî hêzê cinîyê Rojnamegeran tersena.  Rojnamegerî veng û rastîya komelî yê. Tepiştiş û tewqîfkerdişê rojnameger û sîyasetmedaran nîşaneyê vindîkerdişê dewleta tirkan o."