MEXMUR - Wargehê Şehîd Rûstem Cûdî (Mexmûr) de xeylê domanê nêweşê down sendromî estî. Nê domana ra yew zî Harun Tallîyo 14 serrî yo. Harun hetê dayîka xo Eyşê Tallî ra hertim bi heskerdiş yeno miqatekerdiş.  Eyşê Tallî qala cuya xo ya koçberî kerde û dîyar kerde ke Harun tewr zêde pîyazî ra hes keno.

 

Wargehê Şehîd Rûstem Cûdî (Mexmûr) de xeylê domanê nêweşê down sendromî estî. Nê domana ra yew zî Harun Tallîyo 14 serrî yo. Harun hetê dayîka xo Eyşê Tallî ra hertim bi heskerdiş yeno miqatekerdiş.  Eyşê Tallî qala cuya xo ya koçberî kerde û dîyar kerde ke Harun tewr zêde pîyazî ra hes keno. Tallîye qiseyekrdişê xo de wina va: “25 serrî yo ke ma dewa xo Mijîn ya ke girêdayeyê Qilêbanê Şirnexî ya ra koç bîyî. Ma cuya koçberî de xeylê zehmetîyan ante.”

 

Heskerdişê Harunî vera pîvazî

 

Dayîka Eyşê derheqê cuya Harunî û heskerdişê pîyazî de wina va: “Harun nêweşîya down sendromî vera nêeşkeno sey domananê bînan cuya xo dewam bikero. Sere de mi nêzanayêne nêweşîya Harunî çi ya. Mi Harunî berd xeylê nêweşxaneyan û doktorî dîyar kerdî ke nêweşîya down sendromî ci de esta. Reyna zî ez ge bi ge Harunî bena nêweşxane. Harun pîrazî ra zaf hes keno û her ke ez ci bena doktoran vanê bedenê ci de îltihab nêmendo. Reyêk doktorêk mi rê wina va ‘reya yewino ke ez Iraq de vînena domanêk de îltihab çin o. O zî Harun o.’” 

 

Harun zaf yeno heskerdiş

 

Maya Eyşê qiseykerdişê xo de wina va: “Harun şenikîyê xo ra pîyazî zaf hes keno. Her ke sifreyê ma yeno rafînayîş ser de pîyaz esto. Ganî sifre de pîyazê Harunî amade bibî. Harun wexto ke şono dikanan esnafî fêkîyê sey muz, say, hinar û swb danî ci. La Harun înan ra pîvaz wazeno.”

 

Eyşê qiseykerdişê xo yê peyênan de heskerdişê Harunî ser û wina va: “Harun mîyanê keye û merdimanê ma de zaf yeno heskerdiş. Way û birayê ci Harunî ra zaf hes kenî. Domanêk bi aqil o. Harun goş dano qiseykerdişê mi û bala xo dano merdiman. Harun Govend û Deyran ra zaf hes keno. Ganî heme kesî wayîrê domanê astengdaran bivejî û înan sey xo bivînî. Domanê winasî hîna zêde eleqe wazenî.”