ÎZMÎR- Mamosteyê mektêbêke Karabaglarî de  Îstîsmaro zayendî domanan rê kerd, dadgehe qerar da ke domanî newe ra bêrê goşdarîkerdiş û roniştiş taloq kerd. Avûkat Ceren Şene bale ante ser travmayê ke do reyke bîn bêro goşdarkerdiş reyna bêro meydan û reaksîyon vera qerarî da.

 

Karabaglarê Îzmîrî mektebêke de Mamosteyê Dersa Ehlaq û Kulturê Dînî Çetîn Orhan sucê îstîsmaro zayendî ra amebi muhakemekerdiş û dima ra amebi veradayîş. Netîceyê cêgirayîşê Mudirîyê Perwerde yê Bajar meşna mamoste kar ra ame dûrvistiş û dimayê ke 5 wendekaran hedîse mamosteyê rehberî qalî kerd, hedîseyê îstîsmarê zayendî vejîyabi meydan. Serê gerrekerdişê 6 keyeyan Serdozgerîya Komara ya Îzmîrî rê derheqê mamoste de cêgirayîş dayî destpêkerdiş. Mamosteyo tepişnaye ame muhakemekerdiş, roniştişê yewin de bi sebebê delîl çin ê û şikê ey remnayîşî çin o serbest ame veradayîş.

 

Avûkat Ceren Şene va mamoste bi tedbîrêke pawitişê asan sey qedexeyê tebervejîyayîşê teberî ameyo veradayîş û wina va: "Seba ma çîyo negatîf ters û stresê domanan o. Seba ke verê kargo eşrawitê keyeyan û bi telefonan nêrehet kerdê. Gumanbar tewqîfkerde ameyne muhakemekerdiş, la nika serbest o. Dadgehe qeydê pêvînayîşê Merkezê Taqîbkerdişê Domanan (ÇÎM) temam nêdî û qerar de domanî reyna bêrê goşdarîkerdiş. La domanî vera dozger û 3 endaman konê stres. Bê pedagog wazenê reyke bîn hedîse bêra qalîkerdiş. Keyeyan gerreyê xo peyser nêantê. Wa keyeyî gerrekerdiş ra nêtersê. Eşkenê xo biresnê ma û gerre bikerê."

 

Roniştişê dewa do 31ê teşrîna peyêne de 7in Dadgeha Cezaya Giran de bêra vînayîş.