ENQERE - Operasyonê vera rojnameger û sîyasetmedaran de rojnameger  Kîbriye Evren amî tewqîfkerdiş û eynî wextî de rojnameger Seda Taşkine zî rê cezaya hepisxane ame birnayîş. Meslekdaranê înan reaksîyon mojnayî ra û vatî: "Ma kefîlê rojnamegerîya Seda yê. Kîbrîye zî sey Seda seba ke rojnamegerî kerde hedef amî girewtiş. Ma sey rojnameger heme nê sucî kenê û ma do dewam bikerê zî."

 

Rojnamegera Ajansê Mezopotamyayî Seda Taşkine ke tepişnayebî, roniştişê 10ê teşrîna verêne de sucê ‘propagandayê rêxistine’ ra 3 serrî û 4 aşmî sucê ‘hetkarîya rêxistine ra zî' 4 serrî û 2 aşmî ceza amebî birnayîş. Rojnameger Kîbrîye Evrene zî eştişê serê keyan de 9ê teşrîna verêne de amî tepiştiş û eşrawitî hepisxaneyê Amedî. meslekdarê rojnamegeran reaksîyon mojnayî babete.

 

Rojnameger Gozde Çagri va roja Seda ameya tepiştiş taqîbkerdoxê dewa yê û wina va: "Hem falîyetê rojnamegerîye de hem zî hetê embazî de huqûqê ma bi Sedaye dir estbi. Ma kefîlê name û rojnamegerîya Seda yê. Tepiştiş de embaza ma cêgirayîşî viran amî kerdene. Ma qerarê derheqê Sedaye de red kenê. No qerar şermêke demokrasî yo. Skandalêke yo."

 

'Ma pîya xeberî taqîb kerdî'

 

Burcu Yildirima ke Evrensel û Ekmek Gul de muxabirî kerde va Seda seba xeberê ke şiyê Enqere nas kerda û wina va: "Ma pîya dest bi mesleke kerde. No semed ra nêzdî ra nas kena. Kesêke zaf pozîtîf bî. Ma çalakîyê hetê têkoşînê heqî meşnayne. Çapemenîyê pîl taqîbkerdişê ê mîtîngan, çalakîyan girîng nêvînayne. Vengê bêvengan bî. La Sedaye bi sucdariyê komîk 7 serrî û 6 aşmî ceza ameya birnayîş. Hêvîya mi aya ke ma demêke nêzdî de pîya xebaran taqîb bikerê."

 

'Tu hetê huqûqî çin o'

 

Muxabira MA Dîren Yurtsevere zî da zanayîş ke cezaya  Sedaye ameya birnayîş vera huqûqî yo û wina va: "No prosesî de teda û hêriş serê rojnameger, akademîsyen û sîyasetmedaran de hende zêde yo, parekerdişê qij yê çapemenîya komelî suc yenê hesibnayîş. La seba rojnamegerêke cinî seba ke mîkrofonê ajansî girewta na ceza birnayî. Tu hetê ê huqûqî çin o.

 

Dîrene da zanayîş ke qerarê muhakeme sîyaset ra cîya nêeşkenê bigîrê dest û wina va: "Sedaye zaf antişê fotografan ra hes kerdêne. Bê huqûq bi 10 aşmî yo tepişnayeya. Sey Sedaye bi desan embazê ma tepişnayeyê. Tewr peyîn 9ê teşrîna verêne de embaza ma Kîbriye Evren amî tepiştiş. No operasyonî de bi seyan kesî kêfî ameyî tepiştiş. Ê Kîbrîye zî kêfî yo. Heta ke embazê ma biresê azadîya xo ma do têkoşîn bikerê."