AMED - Vera tepiştiş û tewqîfbîyayîşan de hêrs û reaksîyonê kurd û hetanê demokratîkan her ke şono zêde beno. Vilakara rojnameyê Yenî Yaşamî Hayat Ozmeza ke mîyanê tepişteyan de bîye, qala çîyê ke cuyaya û roja eştişê serê keyeyan kerde.

 

Bi fermanê Serdozgerîya Amedî derheqê 151 kesî de 9ê Teşrîna Verêne de saetê serê sibayî de eştî 200 adresan ser. Netîceyê operasyonanê sîyasîyan ke merkezê ci Amed bî de 141 kesî amebî tepiştiş. Mîyanê înan de rojnameger Kîbriye Evren zî tede 25 kesî ameyî tewqîfkerdiş. Vera tepiştiş û tewqîfbîyayîşan de hêrs û reaksîyonê kurd û hetanê demokratîkan her ke şono zêde beno. Vilakara rojnameyê Yenî Yaşamî Hayat Ozmeza ke mîyanê tepişteyan de bîye, qala çîyê ke cuyaya û roja eştişê serê keyeyan kerde.

 

'Doman û mêrdeyê mi hetê polîsan ra ameyî derbkerdiş'

 

Hayate qiseykerdişê xo de wina va: “Ma hetê polîsan ra raştê şîdeto fîzîkî û psîkolojîk ameyî. Destûr nêdayî ke va berê keye akerî û şiknayî. Doman û mêrdeyê mi hetê polîsan ra ameyî derbkerdiş. Domanê mi yê 10 serrî erd ser de derg kerdî û pay şîyî domanê mi ser. Destê mi pey ra kelemçe kerdî û erd ser de derg kerdî. Domanê mi heqaretan vera bermayî. Domanê mi rewşe ra zaf tesîr biyî.”

 

'Kalemê makyajî sey barut hesibnayî'

 

Hayate qiseykerdişê xo de ard ziwan ke cigêrayîşê keye de kalemê makyajî yê çiman sey baruk ame hesibnayîş û çîyo kes ey barut ame nuştiş kalemê çiman bî û bi israr barut nuştî.

 

‘Înan biberên stargehê heywanan’

 

Hayate qiseykerdişê xo yê peyênan de wina va: “Polîsî tewr zêde mudirî de vera cinîyan de şîdet û teda pê ardî. Amirê polîsan polîsan rê va ‘înan biberên stargehê heywanan.’ Dima ra cinîyî reaksîyon nîşan dayî. Hedefê tepiştiş û tewqîfkerdişan amadekarîya weçînitişê herêmî yo. ma do têkoşînê x ora qetî tavîz nêdî.”