STENBOL - Dayîkê Aştîye reaksîyon bêvengîyê vera tecrîda Îmralî mojnayî ra û vatî: "Gelo no bêvengî seba çîyo? Ma veng danê cinîyan. Wa heme dest bidê yewbînan. Wa nê şerî bidê vindernayîş. Sebebê şerî tecrîd o. Sey fîzîkî tecrîd çin o. No şar heme binê tecrîdî de yo."

 

Tecrîdê serê Rayberê PKKî Abdullah Ocalanî 2015an heta nika bi hawayêke giran dewam keno. Muracatê avûkatan zî bi sebebê ‘muxalefetê hewayî’, koster xerabeya û OHAL yenê redkerdiş.

 

Dayîka Aştîye Bedîa Gokguze dîyar kerde ke bi serran o vera tecrîdî bêvengîyêke esta û wina va: "Ez heme dinya ra pers kena. Şima çira bêveng ê? No tecrîd vera heme şaran o. Wa çimanê xo abikerê. Êdî bes o, tedayê serê hepsîyan. Gelo merdimayî nêmendo?"

 

'No tecrîd do heta kenga dewam bikero'

 

Dayîka Aştîye Guler Bugdaye zî wina va: "Ma tena nêvanê ‘lanet ci bêro’. Seba ke no qîm nêkeno. Seba ke  dewleta Tirk komployêke wina kerda ma sere wedarnê. Ma wazenê tecrîd serê Birêz Ocalanî ra wirzo. Wa têduştî bibo, gonî nêrêşo, wa dayîkî nêbermê."

 

Gulere tewr peyîn qiseykerdişê xo de da zanayîş ke aye dayîka leşker, Kurdan, Tirkan, Laz û Çerkezan a û wina va: "Ewro hema şer dewam keno. Tewr zêde cinî dej ancenê. Ganê xo ra parçeyêke danê. Vengdayîşê ma cinîyan rê yo. Wa cinî dest bidê yewbînan û êdî vajê bes o. Wa nê şerî bidê vindernayîş. Tecrîd sebebê şerî yo."