Stêrvan Bêrîtan

 

MINBIC - Endama Îdarekarîya Asayîşê Mîyanneteweyî ya Mibicî Rîm El Elî dîyar kerde ke têkoşînê vera DAÎŞî seba merdimîye xizmet o û wina va: “Têkoşînê me yê vera DAIŞî do dewam bikero.”

 

Badê ke Minbic destê çeteyanê DAIŞî ra ame rizgarkerdiş, cuyêka weşe dest pêkerde û rizgarkerdişî ra dima zî têkoşînê şervanan dewam keno. Babete ser o Endama Îdarekarîya Asayîşê Mîyanneteweyî ya Mibicî Rîm El Elî ye qisey kerde û daye zanayîş ke ê seba şiknayîşê zincîrê koletî xeylê têkoşîn dayî û do têkoşînê înan timî dewam bikero.

 

'Têkoşînê ma bi qerardarî dewam keno'

 

Rîmê destpêkê qiseykerdişê xo de bale ante têkoşînê ortax ser û wina va: “DAIŞ cinîyan sey kole xebetnayêne û kerdêne ajan. Hema zî şopê lêşin yê DAIŞî estî. DAIŞ madeyê tîryak û fuhuşî komelî de vila kerd û merdiman ser de ajanî ferz keno. Seba asayîşê Minbicî têkoşînê ma bi qerardarî dewam keno. Ma do heta peynî vera kerdoxanê lêşinan de xover bidî.”