AMED - Hz. Huseyîn û 71 kesî serra 680î de Kerbela de hetê Yezîtî rab ê awe ameyî veradayîş û ameyî şehîdkerdiş. Her çiqas ke qetlîyam ra hende seserrî derbaz bibî zî dej û qetlîyam hema zî dewam kenî. Sekretera Şûbeyê Amedî ya Sereka Pêroyî ya Komeleya Kulturê Pîr Sultan Abdalî (PSAKD) ya Nurşen Akbale dîyar kerde ke têkoşînê heqî hema zî dewam keno.

 

Nurşen Akbale qiseykerdişê xo de wina va: “Na herre ser de vera kurd û elewîyan de xeylê qetlîyamî virazîya yî. Hukmato nikayîn nê qetlîyaman dewam keno. Elewîyî xo mîyanê Têkoşînê Azadîye de vînenî û mîyanê têkoşînî de cigêrayîşê heqîqetî kenî. Bin nameyê şewatê darîstanan de tebîîet û cayê pîroz yenî çinkerdiş. Nê heme zextî dewamê Qetlîyamê Kerbela yî. Ganî elewîyî nê polîtîkayê lêşinan bivînî û vindetişê xo nîşan bidî.”