EDENE - Parlamentera HDPî ya Edenî Tulay Hatîmogullari dîyar kerde ke prosesoke krîzê ekonomî yeno cuyayîş û heq û azadî ameyê çinkerdiş de, ganî weçînayîşê mintiqa tena sey refleksê mintiqa nêrê vînayîş û sey partî eşkenê tifaqê prensîbin bikerê.

 

Parlamentera HDPî ya Edeneyî Tulay Hatîmogullari da zanayîş ke bi destkewtişê weçînayîşê mintiqa de bi dest bikerê do cewab bidê weçînayîşan.

 

Tulaye arde ziwan ke weçînayîşê mintiqa yew babeta tewr girîng a sîyasî ya Edenî ya û wina va: “Pêwa tifaqê weçînayîşê îqtîdarî bi zor weçînayîş de serkewte bi. Weçînayîşê 24ê Hezîrane de bi diznayîşê rayan derbaz kerd. No weçînayîş de prosesêke girîng yê weçînayîşoke piştdayîş dayî rejîmê yew kesî ame cuyayîş. Weçînayîşê pêroyî de tabloyo ke vejîya meydan hêvî da her kesî ke hetê aştî û edaletî yê. Ma no weçînayîş de dî ke nîmeyê Tirkîya vera îqtîdarî ya."

 

'Heme hetê muxalîf eşkenê tîfaqê prensîb bikerê'

 

Tulaye da zanayîş ke sey HDP eşkenê bi heme hetê muxalîf yê Tirkîya cuyenê dir tifaqê prensîbî bikerê û wina va: "Tirkîya wazena rejîmê yew kesî, dîktatorîya faşîst xelas biba, vera krîzê ekonomî yenê cuyayîş, weçînayîş sey refleksêke mintiqa bivînê do kêm bimano. HDP do cayê ke tabloyê sîyasî analîz bikero, têbigeyro. Kombîyayîşê MYK-PM de do bi giranî munaqeşeyê hemkarîyê bi muxalefetî dir bêrê kerdiş. Piştdayîşê odayê meslekan, rêxistinê girseyî yê demokratîk û sendîkayan zî girîng ê. No semed ra prosesê ameyox de, do Edene de munaqeşeyê îdarekarîyê mintiqa bêrê kerdiş. Partîya ma mîyanê xo de nê munaqeşe dayê destpêkerdiş. Hedefê ma esas do çi bê? Do kam het ra tifaq bêrê awankerdiş? Do serê kam ci zemîn û metodan tifaq bêrê kerdiş? Seba nê persan ma xebat dayê destpêkkerdiş. Ma do rojê ma yê ameyox de zanayîşê zelal bi raya pêroyî dir pare bikerê.”