AMED - Endama Meclîsê Ciwanan ya HDPyî Neşe Toprak dîyar kerde hemverê polîtîkayê şer yê serê ciwanan, eşkenê bi rêxistinbîyayîş cewab bidê û seba rêxistinbîyayîşê binê sîwana Ciwanê HDPyî de veng da ciwanan.

 

Tirkiye de ciwanî problemê girîng cuyenê û sere zî kalîteyê perwerde, qedexeyê perwerde bi ziwanê maye, deformasyonê kultur, betalî, fuhuş û tîryakî yenê. Sîstemê kapîtalîzmî ciwanan xo rê sey pêlêke vînenê û bi metodê şerê taybet, înan sey kesê bê îrade, apolîtîk, yê cigêrayîş nêkenê, bêembazî xo aver berê. Endama Meclîsê Ciwan yê HDPyî Neşe Toprake derheqê polîtîkayê şer yê vera ciwanan de qisey kerde û da zanayîş ke ganî bi hawayêke rêxistinkerdişê têkoşînî bêro dayîş û vengdayîşê rêxistinbîyayîşê binê sîwana ciwanê HDPî de kerde.

 

'Prosesoke hêrişê zayendî û tecawiz xeylê yenê cuyayîşî yo'

 

Neşeye arde ziwan ke wextê peyînan de hedîseyê şîdetî, tacîz, tecawiz yê vera cinî û domanan zaf zêde bîyê û va: "Bi 3-4 serre yo ma proseso zehmet cuyenê. Ma ciwan î beşêk pîl ê komelî awan kenê. Prosesoke hêrişê zayendî û tecawiz  zaf zêde yenê cuyayîş ra derbaz benê. AKP zaf qanûnê ke tacîz û tecawiz normal keno veto. Ganî ma pîya vajê ‘bes o’ û têkoşîn bikerê.”

 

'Gerek ciwanî weçînayîşê mintiqa de rolo aktîf kay bikerê'

 

Neşeye tewr peyîn qiseykerdişê xo de da zanayîş ke seba ameyoxê ciwanê kurdan gerek cinîyê ciwanî vejîyê waran têkoşîn bikerê û wina va: "Ciwanî bi têkoşînê rêxistinkerdiş eşkenê sîstem bivurnê. Her kes ganî vera asîmîlasyonî têkoşîn bikero. Ciwanê bi huner, kultur, spor dir eleqedar benê ganî beşdarê têkoşîn bibê. Heto bîn ra gerek ciwanî prosesê weçînayîşê mintiqa de aktîf rol bigîrê û Meclîsê Ciwanan de xo rêxistin bikerê.”