ŞIRNEX - Onder Poyraz qedexeyê tebervejîyayîşê kuçeyan yê Cizîrî de seba ke şit û nan domananê xo rê bigîro vejîya teber û bî hedefê guleyo ke wesayîtê zirxî ra vejîyabî. Hedîse ra dima Poyrazî birîndar bî û ame tewqîfkerdiş. Mehkema cezaya muebetî daye Poyrazî. Cinîya Onderî, Fîrdevs Poyraze reaksîyon nîşan daye ceza ro û dîyar kerde ke bi serran o mêrdeyê aye bi hawayo teberê huqûqî yeno tepiştiş û nika zî cezaya muebetî dayî ci.

 

Onder Poyraz qedexeyê tebervejîyayîşê kuçeyan yê Cizîrî de seba ke şit û nan domananê xo rê bigîro vejîya teber û bî hedefê guleyo ke wesayîtê zirxî ra vejîyabî. Hedîse ra dima Poyrazî birîndar bî û ame tewqîfkerdiş. Mehkema cezaya muebetî daye Poyrazî. inîya Onderî, Fîrdevs Poyraze reaksîyon nîşan daye ceza ro û dîyar kerde ke bi serran o mêrdeyê aye bi hawayo teberê huqûqî yeno tepiştiş û nika zî cezaya muebetî dayî ci û wina va: “Seba nan vejîya teber, nika bi cezaya muebetî yeno muhakemekerdiş.”

 

Fîrdevse qiseykerdişê xo de wina va: “Mêrdeyê mi 26ê çeleyê 2016î de seba ke keye de çîyêk nêmendbî keyeyê ma yê taxa Yafesî ra vejîya teber. Aye roje ra nata êdî nêame keye. Seba şit û nan keye ra vejîyabî. Dima ra ma musayî ke birîndar bîyo û wedarnayî Êlihî. 9 rojan ame dermanerdiş û dima ra berdî Zindanê Êlihî. Nika zî ardî Zindanê Şirnexî. Tîya de tena yew rey berdî doktor. Mêrdeyê bi bi aşman o paweyê amelîyatî yo, la nîno kerdiş.”

 

Bedêlê şit û nan muebeto giran o

 

Fîrdevse dewamê qiseykerdişê xo de bale ante rewşa mêrdeyê xo ser û wina dewam kerde: “Mi badê 5 aşman mêrdeyê xo dîye. Mêrdeyê mi bê suc û bîla sebeb ameyo tewqîfkerdiş. Merdim senî seba şit û nan cezaya muebetî gêno? Ez tewrê 2 domanê xo paweyê serbest veradayîşî yî. Kênaya mi hema ya şenik hema yew aşme bîye, pîyê aye ame tewqîfkerdiş û nika pêvînayîşan de pîyê xo nêşinasnena. Mêrdeyê mi ti çîyêk nêkerdo. Ti sucêk ci çin o. Ma edalet wazenî.”