ENQERE - Her çiqas ke qetlîyamê Dîlokî ke DAIŞ 20ê Tebaxa 2016î de taxa Baybahçe ya qezaya Şahînbeyî ya Dîlokî de vera veyveyekê êrişekê bi gonîn viraştbî ra 2 serrî derbaz bibo zî dosya de ti averşîyayîş çin o û Fadîle Halaç Cebaela ke tewqîfkerde ameyêne muhakemekerdiş bi mehneya problemê weşî ameye tehlîyekerdîş. Avûkatanê doze ra Eylem Sarioglu Aslandogane qisey kerde û wina va: “Mehkema hewl dana dosya bigîra. Fadîle tena endama DAIŞî nîya, eynî wext de hektara qetlîyamê Dîlokî ya zî.”

 

Çeteyanê DAIŞ 20ê Tebaxa 2016î de taxa Baybahçe ya qezaya Şahînbeyî ya Dîlokî de vera veyveyekê êrişekê bi gonîn viraştbî û meydanê veyve açarnabî gola gonîn. Netîceyê êrişî de 40ê ci doman pêro pîya 56 kesî weşîya xo vinî kerdbî û 69 kesî zî bibi dirbetin. Bi waştişê 7. Mehkemaya Cezaya Giran ya Dîlokî doza qetlîyamî kirişnayî 5. Daîreya Cezaya Mehkemaya Qeyserî. Her çiqas ke 2 serrî derbaz bibo zî dosya de ti averşîyayîş çin o û Fadîle Halaç Cebaela ke tewqîfkerde ameyêne muhakemekerdiş bi mehneya problemê weşî ameye tehlîyekerdîş. 

Avûkatanê doze ra Eylem Sarioglu Aslandogane qisey kerde û wina va: “Mehkema hewl dana dosya bigîra. Fadîle tena endama DAIŞî nîya, eynî wext de hektara qetlîyamê Dîlokî ya zî.”

 

Waştişê komkerdişê delîlan ame redkerdiş

 

Her çiqas ke 2 serrî derbaz bibo zî dosya de ti averşîyayîş çin o û Fadîle Halaç Cebaela ke tewqîfkerde ameyêne muhakemekerdiş bi mehneya problemê weşî ameye tehlîyekerdîş. 

Çarçeweya doze de xeylê kasî ameyî tepiştiş û vatî ‘ma bin îşkence de îfade dayo’ û sewbîna waştişê avûkatan ‘wa delîlê qetlîyamî bêrî komkerdiş’ zî her roniştişê doze de ameyî redkerdiş.

 

Avûkat Eyleme hem qala tehlîyekerdişê Fadîle û hem zî dosya kerde û wina va: “Vîşêrê delîlê roja yewin ti delîlî hema nêkewtî dosta. Dosya bi îfadeya tay kesanê şikin aver şîya. Ganî kesê ke qetlîyam pê ardî vejîyî raşte. Mehkema herindake înan bivîna, hewl dana dosya bigîra.”

 

'Ma do têkoşînê xo dewam bikerê'

 

Eyleme dewamê qiseykerdişê xo de dîyar kerde ke doze kirişnayî Qeyserî û wina domnaye: “Keye nêeşkenî şêrî ewja. No qerar bi zanayîş ameyo dayîş. Sebebê kirişnayîşê dosya o yo ke şîyayîşê dosya bibedilnî. Çimkî kesêk nêeşkeno şêro cayê dûrî û tewrê doze bibo. Dîlok yew cayo ke DAIŞ xo tede rêxistin kerdo yo. Heta ke kesê sucdar nêrî cezakerdiş ma do têkoşîn bidî.

 

Fadîle tena endama DAIŞî nîya

 

Eyleme qiseykerdişê xo yê peyênan de reaksîyon nîşan daye bi mehneya problemanê weşî vera tehlîyekerdişê cinîya bombeyo ganî ke xo teqênabî Mehmet Kadîr Cebalî, Fadîle Cebalî ro û va: “Fadîle tena endama DAIŞî nîya. Hetkarî daya qetlîyamî. Ma 25ê êlule de muracatê mehkema kerde ke Fadîle reyna bêra tepiştiş.”