WAN - TJAyij Edîba Bakure dîyar kerde ke vera şîdetê camêrdan bi amadekarîyêke pîl konê demo newe û veng da heme cinîyan ke vera şîdetî bi TJAyî dir têkoşînê rêxistinkerde bimeşnê.

 

Wan de Tevgerê Cinîyanê Azadan (TJA) vera şîdetê seba cinîyan amadekarîyê demo newe çalakî û bername amade kerdê. Hemsereka HDPyî Îpekyolê Wanî ke TJAyij Edîbe Babure wina va: "Pêwa heme teda û şîdetan cinîyan kuçe terk nêkerdê û vera her tewir şîdetî bi rêxistinbîyayîş cewab dayê."

 

'Vatişê şîdetî kiştişê cinîyan dayo dewamkerdiş'

 

Edîbeye da zanayîş ke qayûmê ke tayînê şaredarîyê DBPî bîyê heme qezencê cinîyan çin kerdê û Edîbeye wina dewam kerde: "Demê OHALî de bi hezaran cinî ameyî tepiştiş. Bi hezaran kedkarî karê xo ra bî. Bi hawayêke fermî OHAL wişto la hema zî dewamkeno. OHAL mintiqaya ma de dewam keno. Dimayê OHALî zî seba ma çîyêk nêvurya. Ma sey cinîyê rêxistinkerde têkoşînê xo dewam kerd. Ma do dewam bikerê zî. Ma do vera her tewir şîdetê zîhnîyetê camêrdan de peyser game nêerzê."

 

'Wa cinî bi TJAyî têkoşînê xo dewam bikerê'

 

Edîbe da zanayîş ke heta 25ê Teşrîna Peyêne Roja Piştdayîş û Têkoşînê Mîyanneteweyî vera şîdetê serê cinîyan de xeylê bername û çalakî dayê vernîya xo û va heta nê prosesî do waran de bê. Edîbeye tewr peyîn veng da heme cinîyan ke mîyanê TJAyî de têkoşînê xo dewam bikerê.