ŞIRNEX - Dewa Cîfaneyî ya awa Cudî ra wey bena, şar dest bi wedartişê berardişê xo kerd. Dewijê ke sebze û fêkiyê xo kom kenê, wişk kenê û yê zêde zî bi keyeyê ke baxçeyê înan çinê pare kenê.

 

Botan de peynîbîyayîşê mewsîmê hamnanî dir hemwelatîyan dest bi komkerdişê berardişê xo yê baxçeyan kerdî. Bi îmece goz, encîr, engure û xeylê tewirê fêkiyan pîya kom kenê û vera berardişê xo yê zêde biroşê zî bi keyeyê ke baxçeyê înan çin ê dir pare kenê.

 

Dewa Cîfanî serra 1990 de ameya veşnayîş û vengkerdiş. Herra dewe bi awa Cudî wey bena û zaf  dewlemend a. Serra 2000 de dewijî reyna ageyrenê dewa xo. Dewijî her çar mewsîmî zî baxçeyê xo ra feyde gênê û berardişê baxçe û heywananê xo debara xo kenê.

 

Heto bîn ra na dewe, dewa Mehmet Tunç û Orhan Tunço ke bodrumê Cizîrî de cuya xo vinî kerdibî ya û no semed ra manayê ci cîyaya. Dimayê ke qedexe wişt maya Mehmet û Orhanî, Esmer Tunçe zî ageyra dewa xo û dest bi ramitişî kerde. Esmer Tunçe wina va: "Dimayê serran dima ma dewa xo reyna gane kerde. Dimayo ke qedexe ame wedartiş, ma dewe de bi ca nêbî. Ma tena ameyne baxçeyê xo. Seba ke baxçe bêro no hal ma bi serran xebityayî. Ma darî dayî ro. Nika doman û tornê ma fêkîyan wenê. Na herre zaf dewlemend a. Hema hema heme daranê ma lajê mi Orhan da ro. Kede ci zaf tede esto. Ma seba baxçeyê xo her wext yenê. Goze, engure, encîrî, her tewir fêkîyê ma estê. Ma yenê kom kenê. Ma do torinanê xo rê nê baxçeyan verdê."