AMED - Hemsereka Şûbeyê Hûmara 1. ya Egîtîm Senê Amedî Hatîce Efeye dîyar kerde ke mamostayê ke nînê tayînkerdiş muracatê mamostayîya bi rojane û pêkerde kenî û 5 serrê peyênan de 52 mamostayê ke nêameyî tayînkerdiş întixar kerdî.

 

Hemsereka Şûbeyê Hûmara 1. ya Egîtîm Senê Amedî Hatîce Efeye daye zanayîş ke perwerdeyî de vera mamostayanê bi pekerde de zihnîyetê ‘koletî’ dewam keno.

 

'Fikar û tersê vindîkerdişî kar awan keno'

 

Vera heme kar û beşê komelî de zihnîyetê koletî û pelçiqnayîşê heqê merdiman dewam keno. Mamostayê ke bi hawayo pekerde xebetîyenî zî para xo no zihnîyetî ra herînenî. Hemsereka Şûbeyê Hûmara 1. ya Egîtîm Senê Amedî Hatîce Efeye daye zanayîş ke perwerdeyî de vera mamostayanê bi pekerde de zihnîyetê ‘koletî’ dewam keno û qiseykerdişê xo de va: “Problemê mamosteyan dewam kenî. Seba mamosteyan problemê tewr muhîm asayîş o. Problemê mamostayê rojane hema çareser nêbîyo û embazê ma bi hawayo pêkerde mamostayî kenî. Mamostayê ke nînê tayînkerdiş muracatê mamostayîya bi rojane û pêkerde kenî û 5 serrê peyênan de 52 mamostayê ke nêameyî tayînkerdiş întixar kerdî. 

 

Hatîceye dewamê qiseykerdişê xo de daye zanayîş ke mamostayîya bi pekerde heqê înan yê tayînkerdişî çin kena û mamostayê ke bi no hawa xebetîyenî mecbur manenî ke 6 serran cayê ke şonî de bixebetî û wina va: “4 serran zî qadro nêdanî mamosteyan.”

 

Hatîceye tewr peynî wina va: “Prîmê sîgortaya mamosteyan û pereyê dersan kêmî yenî dayîş. Mamostayan ser de cuya koletî yena ferzkerdiş û bi zihnîyetê koletî yenî xebetnayîş. Rewşa mamosteyan xirab a. Mamosta nêşênî heqê xo biwazî. Rewşa mamosteyan problemê komel û psîkolojîk awan kena.