STENBOL - Cinîya bi nameyê S.S ke seba tedayê keyeyî mecbur mende bi datîzayê xo dir bizewicya, bi serran o rastê şîdetê ekonomî amî û dima ra mêrdeyê aye, aye terk keno û şino Elmanya. S. ke hema bi keyeyê mêrdeyê xo dir cuyena, her wext têkoşînê cuyayîş daya û nika yewin waştişê aye a ya ke keyeyêke aye û domananê aye biba.

 

Cinîya bi nameyê S.S 23 serra ya aye de hetê keyeyê xo ra bi datîzayê aye dir yena zewicnayîş. Nika 39 serre ya. Hema bi keyeyê mêrdeyê xo dir cuyena. S. şerm kena qisey bikera û keyeyê ke tede mendêne zî yewin warê aîdê aye odaya ke bi domananê xo tede manena ya.

 

'Keyeyî mi bi zor da'

 

S. va aye nêwaşt bi camêrdo ke 7 serran aye dir pîl o bizewicya û wina va: La keye mi bi zor kerd. Mi nêwaştêne ez bi merdimê xo dir bizewicyî. Ez tersayne. Bi endîşeyîn bîya. Seba tedayê keyeyê mi, cuya mi şî. Seba birayê mi bizewicnê ez bi datîzayê mi dir dayî zewicnayîş. Bi qelenê mi birayê mi zewicnayî. Dimayê ke ez zewicyaya zî ez rastê şîdetê ekonomî û psîklojîyê mêrdeyê xo ameya."

 

S. dîyar kena ke mêrdeyê aye zerdê aye girewtê û remayo û no ser şina keyeyê pîyê xo û wina va: " Ez serrêke uca de menda û reyna mecbur menda ageyrî. Mêrdeyê mi qetî nêxebitya. Tewr pîl rema Elmanya. Ez tekstîl de xebityaya. Seba rewşa ekonomî ez hema verê keyeyê mêrdeyê xo na. Ê zî teda ro mi kenê. Ez wazene bi domananê xo dir keyeyêke aîdê mi bo bicuyê. Ez pereyo ke qezenc kena, hem ewnîyena xo ra û hem zî domanan dana wendiş. Ez şina qursan zî xo aver bena."