"Kam zano ma do hema şahidîyê tepiştişî se bikerê. Hîn do sey yarî bêrê û ma do bihuyê. Hîn zî do trajîk û komîk bê û bibê sebebê ke ma bihuyê. Yanî sey nimûneyê hewteyo vîyarte de ame meydan. Hewteyo vîyarte de qerenfîlê Dayîkê Şemeyî ameyî tepiştiş."

 

Safiye Alagaş

 

Qerenfîlê nêçelmisyaye, vindîbîyayeyan zî bi ma nêdanê xovîrrakerdiş û tewr zêde zî vernîyê ci girewt ke hişê dewlete zî pak nêbeno. Qerenfîlê ke her hewte Warê Galatasarayî de yenê ronayîş, nêverda dewlete na rastîye xo vîr ra bikera. Her ke qerenfîlî dî, nêrehet bî û tewr peyîn zî qerenfîlan tepişnayî.

 

Ma gelo qerenfîlî yenê tepiştiş?

 

Hetê HDPyî ra 4ê Nîsana 2018an de awanîya merkezê yê Amedî ra seba rojbîyayîşê Rayberê PKKyî Abdullah Ocalanî bernameyêke viraştibî û pastaya seba rojbîyayîşî ardibî polîsan tepişna. Serê pasta de ‘Heqîqet eşq a, eşq cuya azad o' nusnaye bi.

 

Kam zano ma do hema şahidîyê tepiştişê senîn bikerê. Hîn do ma rê sey yarî bêro û ma do bihuyê. Hîn zî do trajîk û komîk bê û bibê sebebê ke ma bihuyê. Yanî sey nimûneyê hewteyo vîyarte ame meydan. Hewteyo vîyarte de qerenfîlê Dayîkê Şemeyî ameyî tepiştiş.