ŞIRNEX - Hepsîya bi nameyê Selamet Mata ke eştişê keyeyî de amî tepiştiş û tewqîfkerdiş, ame zanayîş ke seba ke dermanê aye nêameyê dayîş rewşa aye xira bîya û wedarnayê nêweşxane. Selamete 4 rojan nêweşxane de bi kelepçe ameya dermankerdiş û zanayîş nêdayê keye.

 

Cizîrê Şirnexî de 5ê Temmuze de eştî serê keyeyê Selamet Mate (56) û aye tepiştî. Yewin roniştişê Selamete do 19ê teşrîna verêne de bêra vînayîş. Keyeyê Selamete dîyar kerdî ke pêwa emrê aye pîl ameya tepiştiş û zaf nêweşîyê aye estê. Keyeyî da zanayîş ke seba hepisxane de hewteyêke dermanê aye nêameyê dayîş, rewşa aye xira bîya û 4 rojan nêweşxaneyê Dewlete yê Şirnexî de menda.

 

Seba ke nêşî koxuşa xoseran, rastê heqeretan amî

 

Veyva Selamete, Hulya Mate roja eştişê keyeyî wina qalî kerde: "Şan de saete nêzdîyê 03.00an bi. eştî serê keyeyê ma. Dayîka mi di rojan tepişnaye mende. Dima ra amî tewqîfkerdiş. Şewa ke amîya tewqîfkerdiş, gardîyanan vato ke ti şan kam kîşte? Aye zî vata ‘koxuşa siyasî’. Înan zî vato ‘çira şina uca, çira nêşina kîşta bîn? Na cinî sey xozan a'. Rewşa aye uca de her ke şina xirab bena."

 

'Seba ke derman nêdayê rewşa aye xira bîya'

 

Hulya dewamê qiseykerdişê xo de wina va: "Aye dir nêweşîyê Vertîgo û hîpertansiyonî estê. Çiçikê aye kîtle estê. Di çiçikanê xo ra emelîyat bî. Verê zî safra kesesî ra emelîyat bîya. Hewteyê vernê tepiştişê aye de dermanê hîpertansiyonî nêdayê. No ser rewşa aye xira bîya. Doktorê revîr derman nêdayê ci. Berdê nêweşxaneyê dewlete ya Şirnexî. Dayîka mi uca dermankerdiş qebûl nêkerda. Dima ra rewşa aye nêbaş bîya derman kerdê. 4 roj uca de bi kelepçe menda. La kesî zanayîş nêda ma."

 

Hulyaye tewr peyîn qiseykerdişê xo de va roniştişê Selamete 19ê teşrîna verêne de do bêra vînayene û veng da ke ganî heme hepsîyê nêweş bêrê veradayîş.