ENQERE - Verfeka DÎKî Huda Kaya dîyar kerde ke bi seserran o dîn sey hacetê serdestî yê serê şaran de yeno xebitnayîş û wina va: "Dînê Yezidî de hiş ameyo çinkerdiş. Serê seretewandişêke bê şert û merc adetêke dîn ameyo awankerdiş, komelêke nêfikrîyeno vetî meydan."

 

Kongreya Îslamî ya Demokratîke (DÎK) yewin komxebate xo Enqere de viraştî. Komxebate de ame dîyarkerdiş ke zîhnîyeto serdest xo her warê komelê bîyaye keno û nê ser munaqeşe ameyî kerdiş. Verfeka DÎKî Huda Kaya serê ‘Îslamê îqtîdarî' şîrove kerde û va ke bi serran o dîn sey hacetê serdestî yeno xebitnayîş.

 

'Kerbela de vera îqtîdarî xoverdayîş estbi'

 

Hudaye va no planêke peyser ê xo sperneno seserran, heta hezar serran û wina va: "Seranserê tarîxê merdimayî de sey hacetê serdestî serê şaran de ameyo xebitnayîş. Eke ma qirkerdişê Kerbela sey nimûne bidê, Huseyînan, Zeyneban, embazê Kerbelayî cinîyan dir vera saltanatê Emevîyan, vera dîndarîyê Yezidî de seknêke, xoverdayîşêke, têkoşînêke mojnayî ra û  ganî ma rastîya ci bizanê."

 

'Komelê ke nêfikrîyeno vetî meydan'

 

Hudaye dewam de arde ziwan ke ganî qirkerdişê Kerbela baş bêro tahlîyekerdiş û hedîse baş bêro tahlîlkerdiş û hedîseyê Kerbela de çîyê ke ewro yenê cuyayîş, mojnenê ro. Hudaye da zanayîş ke vernîya merdiman ameya girewtiş ke merdimî nêfikrîyê û cigêrayîş nêkerê û no zî sey dînê Yezidî yo. Huda wina dewam kerde: "Dînî Yezidî de hiş ameyo çinkerdiş. Serê  seretewênayîşêke bê şert û merc adetêke dînî ameyo awankerdiş, komelêke nêfikrîyeno vetî meydan. Nê adetê dînî yo ke heta ewro ameyo pêwa zulm, şaşî û nêheqîyan warê bawerî, komelî, ehlaqî û ekonomî cigêrayîş nêkeno."

 

'Hêrişê vera cinîyan netîceyê nê ferasetî yê'

 

Hudaye da zanayîş ke yew warê ke îqtîdar xo wey keno dîn o û tena nameyê nê îqtîdaran vuryayo, bi seserran o bi eynî zîhnîyetê wazenê komelî rastîya înan ra bibirnê û wina va: "No tena Anatolî, Mezopotamya de nîno meydan. Ça Muslumanî bibê serdestî mumkin o. Hêrişê vera cinîyan zî netîceyê no ferasetî yo. Zîhniyetê serdest her warî de xo bîyaye kerdê."