STENBOL - Komşu Kafeya ke 4 serrî verê Kadikoy de amî akerdiş, vera kulturê xerckerdişî, sîstemêke  xo  sperneno berardiş, cuya kolektîf û ekonomîya kolektîf, esas gêna.

 

Stenbol de vera kulturê mezaxtinî cayê alternatîf zêde benê. Kafeya Kara Kedî, 26A û Întîal de aktîvîteyê mojnarayîşê fîlman, munaqaşa û wendişê kitaban, cil û belgan û kitab yenê kerdiş. Nê sazgehê ke amanc kenê piştdayîş girs bikerê, tewr zêde serê modelê ekonomîya alternatîf aver şina.

 

'Kafeyan de ca nîjadperestî rê çin o'

 

Komşu Kafeya ke Kadikoy de 4 serrî verê hetê 4-5 kesê ke embazê yewbînan bî amî akerdiş. Kolektîfê Komşu Kafe de werdê vegan û vejetaryan bi piştdayîş yenê viraştiş. Komşu Kafe ra Fatma Yildize wina va: "Komşu Kafe sey kafeyêke berardişê alternatîf yenê xebitnayîş. Vayîye werdan zî endamê kolektîf pêşnîyar kenê. Kafeya ma de qetî destûr nêzdîbîyayîşê nîjadperest û seksîst rê nîno dayîş. Eke çîyêke merdiman aciz bikero, ma kombîyayîş kenê. Ma kesê ke nêrehetî kenê hişyar kenê. Ma vanê meyerê kafe. Ma mîyanê xo de pîya çareser kenê. Ma ê kesan beşdar nêkenê."

 

'Ma destkewtişê xo bi kolektîfê bînan dir pare kenê'

 

Fatmaye da zanayîş ke Kolektîfê Komşu Kafe bi kolektîfê bînan dir zî piştdayîş de ya û wina va: "Mîyanê înan de Kolektîfê Zapatîsta Kafe, Kolektîfê Patronsuz Kazak, Kolektîfê Karaburun Zeytînyagi zî estê. Xêrcê nê ma bernameyê muzîkî, wendişê kitaban û mojnarayîşê fîlman zî kenê."